Gjykata Administrative ka rrëzuar kërkesë-padinë e prindërve të fëmijëve të kopshtit “Zubeyde Hanim”.
Në një seance që zgjati për më shumë se 1 orë e 30 minuta, Gjykata nuk ka marrë parasysh kërkesën e prindërve të cilët nëpërmjet një kërkesë padie kërkuan anulimin e urdhrit të ministrisë së Arsimit që vendosi mbylljen e kopshtit.
Në përfundim të seancës avokatët e cilësuan të paligjshëm vendimin duke paralajmëruar ankimim në Apel te këtij vendimi.
Gjithashtu dhe prindërit janë shprehur të zhgënjyer nga organet e drejtësisë pasi prinin më shumë prej tyre.
Ata bëjnë apel për drejtësi dhe se çështjen do ta çojnë deri në Strasburg.
Kujtojmë se më herët Gjykata Administrative rrëzoi edhe kërkesën e përfaqësuesve ligjorë të kopshtit duke lënë në fuqi vendimin e ministrisë së Arsimit që urdhëroi mbylljen e këtij institucioni me argumentin se nuk plotësonte kriteret./Abcnews.al/
