Gjykata e Posaçme Kundër Korrupsionit dhe Krimit të Organizuar ka lënë në burg kryebashkiakun e zgjedhur të Himarës Fredi Beleri.
Gjykata e shqyrtoi kërkesën e Fredi Belerit për zbutje të masës së sigurisë “arrest në burg”.
Beleri, kryebashkiak i zgjedhur në procesin zgjedhor të 14 majit qëndron në qeli prej 12 majit për akuzën e “korrupsionit në zgjedhje”.
Mësohet se Beleri ka kërkuar masë më të lehtë sigurie me dy pretendime: Probleme shëndetësore dhe mos t’i mohohet e drejta për të drejtuar bashkinë e Himarës, për të cilën e kanë votuar qytetarët.
Ndryshe nga seancat e mëparshme këtë të hënë Beleri ka qenë i pranishëm dhe ka kërkuar masë më të butë sigurie me këto dy pretendime.
Pas përfundimit të seancës, avokati i Belerit ndër të tjera tha se ky është vendim me urdhër, pasi gjykata nuk ka fuqi para pushtetarëve
Më herët Beleri ka dështuar të zbusë masën e sigurisë ndaj tij në Apelin e Posaçëm dhe Gjykatën e Lartë./abcnews.al
