Studentët protestues janë të vendosur të mos hyjnë në negociata me kryeministrin, pasi kërkesat e tyre janë të panegociueshme. Ata shprehen se janë të vendosur të qëndrojnë në sheshin e protestës deri në realizimin e qëllimit.
Studenti 1: Nuk pranojmë sepse kërkesat tona janë të qarta. Nuk ka vend siç e keni parë vetë në televizion. Zgjidhja është të rrimë të gjithë të bashkuar dhe të kemi mbështetje edhe nga gazetarë.
Nëse shefi i qeverisë kërkon dialog?
Studenti 1: Nuk ka vend për dialog. Çfarë do dialogojë ai? Nëse një student europian i shikon ato kërkesa është për të qeshur.
Pse refuzoni dialogun?
Studenti 2: Ne kërkesat tona i kemi shumë të qarta dhe nuk duam dialog. Mjafton që ato të plotësohen.
Si mendoni se vjen zgjidhja nëse nuk ka dialog?
Studenti 3: Nëse nuk ka dialog atëherë ne do vazhdojmë të protestojmë derisa ata të gjenë një zgjidhje.
Kryeministri ju ka afruar të dialogoni, të bashkëbisedoni me të?
Studenti 4: Nuk ka nevojë se nuk ka gjetur njeri zgjidhje nga bashkëbisedimi që të gjejmë dhe ne. Prandaj ne kemi gjithë këto ditë këtu./abcnews.al
