Loading ...
TIRANË– Komisioni Qendror i Zgjedhjeve nuk ka ende një vendim në lidhje me kërkesën e Partisë Socialiste, e cila ka kërkuar shtyrjen e afatit të votimit në Vlorë deri në orën 22:00, për shkak të mbajtjes së evenimentit sportiv “Giro d’Italia”.
Kjo u raportua nga gazetarja e ABC News, Greta Bullari, e cila theksoi se kryetari i KQZ-së pritet të mbajë një konferencë për këtë çështje.
“Nga komunikimet që kisha nga KQZ, më informojnë se kërkesa ende nuk është shqyrtuar dhe nuk ka ende asnjë vendim sa i përket kërkesës së PS për ta shtyrë orarin e votimit në Vlorë deri në orën 22:00.
Megjithatë është paralajmëruar një konferencë në orën 10:30 minuta kreut të KQZ, Ilirjan Celibashi”, raportoi ajo.
Nga ana tjetër, Partia Demokratike është shprehur kundër kërkesës së PS, duke mos pranuar shtyrjen e afatit të votimit./abcnews.al
