Loading ...
Skocia kërkon të zhvillojë referendum tjetër për pavarësi nga Mbretëria e Bashkuar. Kjo është bërë e ditur nga kryeministrja e këtij vendi, e cila njoftoi se një datë do të vendoset pasi qeveria e Londrës të sigurojë zbatimin e Brexit.
Skocia kërcënon seriozisht: do të vendosim datën për një referendum të ri për pavarësi, menjëherë pasi qeveria britanike do japë siguri lidhur me zbatimin e Brexit. Këtë e ka thënë kryeministrja e Skocisë, duke folur në një program të televizionit ITV. Nikola Sturgeon ka nënvizuar gjithashtu se partia e saj kombëtare nuk do të bllokojë një tjetër votim për Brexit lidhur me marrëveshjen përfundimtare.
Frika e skoxezëve ishte në fakt për pasojat e votimit nëse kjo, siç ndodhi në 2016, kishte rezultate të kundërta në pjesët e ndryshme të Mbretërisë së Bashkuar. “Pasi të kemi arritur disa qartësi, të cilat shpresojmë të kemi deri në vjeshtën e këtij viti, në rezultatin e Brexit dhe në marrëdhëniet e ardhshme midis Mbretërisë së Bashkuar dhe Bashkimit Evropian, do të shqyrtoj përsëri çështjen e kohës së një referendum mbi pavarësinë”, përfundoi Kryeministrja e Skocisë.
Ndërkohë, Mbretëria e Bashkuar do të largohet zyrtarisht nga Bashkimi Europian në mars të 2019-ës. Vlen të theksohet se në referendumin e 2016-ës për Brexit, Skocia votoi masivisht pro qëndrimit në Union, ndaj kërkon që të ruajë bashkëpunimin me Brukselin. /abcnews.al
