A keni shpesh ëndrra të këqija? Ka disa arsye për këtë por kryesisht ia atribuojmë këtë stresit të përditshëm. Megjithatë, ekspertët thonë se temperatura e dhomës në të cilën flini mund të jetë përgjegjëse për shfaqjen e maktheve. Duket e çuditshme, por mjekët kanë zbuluar se shkaku mund të jetë një dhomë e mbinxehur.
Për të bërë një gjumë të mirë, duhet të ulim pak temperaturën e trupit. Dr Neil Stanley, ish president i Shoqatës Britanike të Gjumit thotë se dhoma duhet të jetë ndërmjet 16°C dhe 18°C në mënyrë që të qetësohemi, të flemë pa problem dhe të shmangim ëndrrat e këqija.
Ai shton se një temperaturë e mirë e dhomës mund të reduktojë gërhitjen. Para se të shkoni në shtrat hapeni dritaren dhe kini kujdes me çfarë mbuloheni. Çarçafët dhe jorganët e bërë nga pambuku dhe fibra të tjera natyrale, si mëndafshi, janë më të mirat për të qëndruar të freskët. /abcnews.al
