Elton John është bërë personazhi i fundit i famshëm që është larguar nga Twitter që nga blerja e tij nga pronari i Tesla, Elon Musk.
Në postimin e tij të fundit në Twitter, këngëtari Rocket Man shkroi: “Gjatë gjithë jetës sime jam përpjekur të përdor muzikën për të bashkuar njerëzit. Megjithatë më trishton kur shoh sesi keqinformimi po përdoret tani për të ndarë botën tonë. Kam vendosur të mos përdor më Twitter, duke pasur parasysh ndryshimin e tyre të fundit në politikë, i cili do të lejojë që dezinformata të lulëzojë pa kontroll.”
Pas këtij postimi u përgjigj edhe Elon Musk me një koment të tijin: “Unë e dua muzikën tuaj. Shpresoj që të ktheheni. A ka ndonjë dezinformatë në veçanti për të cilën jeni të shqetësuar?”
Pasi Musk përfundoi blerjen e tij në Twitter në Tetor, prej 44 miliardë dollarësh (38.1 miliardë paund), ka pasur polemika mbi rikthimin e politikës së Covid-it, si dhe lëvizje të tjera të tilla si rivendosja e disa llogarive të pezulluara më parë dhe tarifimi i përdoruesve për verifikim.
Artistë të njohur janë larguar nga Twitter, duke përmendur liderin e ri si arsyen kryesore të largimit.
Sipas politikës së tij specifike për Covid-in, Twitter operoi një “sistem me pesë goditje” për llogaritë që postonin përmbajtje “të dëshmuara të rreme ose mashtruese” që mund të “çonin në rrezik të konsiderueshëm dëmi” – si ekspozimi ndaj Covid ose dëmtimi i sistemeve të shëndetit publik.
Asnjë veprim nuk do të ndërmerret kundër llogarive që postojnë dezinformim në Twitter. Por shkelësit e përsëritur mund të pezullohen për disa orë, ditë apo edhe për një kohë të pacaktuar, nëse marrin pesë goditje kundër llogarisë së tyre./abcnews.al
