Loading ...
Drejtuesja politike e Partisë Demokratike, për Kavajën e Rrogozhinën, Grida Duma zhvilloi një takim me përfaqësues të biznesit të vogël në këtë qytet.
Duma u njoh nga afër me problematikat e tyre, të cilët shprehën revoltë për qeverisjen Rama.
Përfaqësuesit e biznesit deklaruan se problemet fillojnë nga taksat e larta e deri tek rënia e konsumit,duke shtuar se mungon vëmendja e pushtetit vendor për ti mbështetur.
“Kemi litarin në fyt”, u shprehën përfaqësuesit e biznesit, ndërsa theksuan se janë në limitet e mbijetesës, për pasojë janë duke rrezikuar falimentimin duke lënë qindra familje pa bukën e gojës.
Më tej drejtuesja politike e PD-së, i tha përfaqësuesve të biznesit se Partia Demokratike dhe zoti Basha, me planin e tyre qeverisës synojnë shpëtimin e biznesit dhe frenimin e krizës së ekonomisë.
/abcnews.al/
