Të privosh veten nga pjatat e preferuara dhe të ndryshosh stilin e jetës është gjithmonë një sfidë e madhe dhe stres. Lajmi i mirë është se, ngrënia e duhur dhe e shijshme është e mundur. Le të shohim sesi të humbasim peshë në mënyrë efektive me disa kombinime të shijshme ushqimore miqësore për humbjen e peshës.
- Mish pule dhe spec djegës
Pak msh mish pule do t’ju japë një ndjenjë të ngopjes dhe do të ndihmojë trupin tuaj të ndërtojë muskuj. Zgjidhni gjoksin e pulës për të parandaluar veten nga shtimi i peshës. Shtoni një spec djegës në vaktin tuaj, kjo jo vetëm që do ta bëjë pjatën unike por do të përfitojë edhe për shëndetin tuaj. Speci djegës është një antioksidant që përmban veti të djegies së dhjamit, kjo do të forcojë metabolizmin tuaj që sjell humbje peshe.
- Avokado në bukën e grurit të plotë, të mbushur me piper kajene
Këtu është receta e dytë e shpejtë dhe e lehtë që do t’ju ndihmojë të humbni peshë në mënyrë efektive. Ky kombinim ushqimi është mëngjesi i duhur për të furnizuar ditën tuaj. Avokado përmban yndyrna të shëndetshme dhe do të mbrojë arteriet tuaja. Buka e grurit të plotë është e pasur me fibra dhe është jashtëzakonisht ushqyese që do t’ju japë një ndjenjë të ngopjes për një kohë të gjatë. Speci i kajenës përmban kapsaicinë, një element që shpejton metabolizmin dhe rrit humbjen e peshës.
- Mollë me gjalpë kikiriku dhe kanellë
Nëse doni diçka kremoze, të shijshme dhe të shëndetshme provoni këtë kombinim ushqimi. Përfitimi kryesor i gjalpit të kikirikut është se keni ndjenjën e ngopjes duke ngrënë pak nga ajo. Mollët do t’ju ndihmojnë të humbni peshë pasi ato kanë shumë pektina, të cilat, duke bashkëvepruar me lëngun e stomakut, shkaktojnë një ndjenjë të shpejtë të ngopjes. Për më tepër, mollët kanë shumë fibra që nxisin humbjen e peshës. Kanella në kombinim me produkte të tjera mund t’ju ndihmojë të humbni peshë dhe të përmirësoni gjendjen tuaj fizike. Aktivizon metabolizmin, përmirëson funksionimin e traktit gastrointestinal dhe pastron trupin nga toksinat. Ashtu si mollët, kanella jep një ndjenjë të ngopjes dhe, për këtë arsye zvogëlon oreksin.
- Çaj jeshil me nenexhik dhe disa pika limoni
Pasuria më e famshme e çajit jeshil janë antioksidantët. Pirja e rregullt e çajit jeshil ndihmon në përmirësimin e tonit të lëkurës. Për më tepër, përshpejton metabolizmin që kontribuon në humbjen e peshës. Mentja përmirëson funksionin e zorrëve dhe zvogëlon urinë dhe oreksin. Pikat e limonit në çajin tuaj përshpejtojnë efektin e humbjes së peshës./e.b-abcnews.al
