Barcelona po punon për të rikthyer Lionel Messin në Camp Nou sezonin e ardhshëm, sipas Mundo Deportivo.
Megjithatë, ata do të duhet të bëjnë katër gjëra specifike për ta kthyer atë ëndërr në realitet.
Gjëja e parë- dhe më e rëndësishmja është t’i bëjnë atij një ofertë financiare fitimprurëse. Messi nuk është i kënaqur me kushtet e PSG-së për një marrëveshje të re dhe Barça duhet të punojë me sponsorët për t’i ofruar atij një pagë të lartë.
Së dyti, ekziston nevoja për të mbajtur një takim mes Leos dhe Joan Laporta për të rregulluar çdo problem të krijuar mes të dyve gjatë largimit të tij në 2021.
Barça gjithashtu duhet të sigurojë Messin dhe përfaqësuesit e tij se ata do të jenë në gjendje të respektojnë rregullat e lojës së ndershme financiare për ta rikthyer atë.
Së fundi, katalanasit duhet të punojnë në mënyrë diskrete në prapaskenë për të vendosur formalitetet e nevojshme përpara se të fillojnë negociatat me Leon dhe babain e tij për një rikthim.
Blaugranët janë të etur për të rikthyer Messin në klub, gjë që mund t’i ndihmojë ata të sfidojnë dukshëm për të gjithë trofetë e mëdhenj sezonin e ardhshëm. /G.D abcnews.al/
Burimi: Mundo Deportivo
