Provokacija

fico.jpg
ger ta22:55 | 28/02/2020

Albana Fico, Drejtore e Institutit të Shëndetit Publik e ftuar në “Provokacija” u bëri thirrje qytetarëve që të mos neglizhojnë asnjë shenjë që mund t’ju shfaqet.

Fico ka kërkuar nga qytetarët që të kenë bashkëpunim me autoritetet dhe në rast se nuk ndjehen mirë, të mos shkojnë të spitali por të telefonojnë në 127.

“Në këtë pikë është shumë i rëndësishëm komunikimi me qytetarët dhe bindja qytetare. Ne në mënyrë të përsëritur kërkojmë bashkëpunim qytetar, të mos shamngim për asnjë arsye ato detyra që duhet të kryejmë. Ata që kanë ardhur nga vendet e prekura, janë të detyrauar të raportojnë situiatën e të mos ndjerit mirë. Ju lutem bashkëpunoni me autoritetet shëndetësore dhe nëse për një arsye ose tjetër, nuk ndjeheni mirë, keni histori të udhëtimit në vende të prekura, ju lutem mos shkoni tek urgjenca e spitalit. Merrni urgjencën kombëtare, numri është 127”, tha Fico.

Të njëjëtn thirrje drejtoresha e ISHP e bëri edhe për pesronat q ëkanë poste publike: “Do të më vinte keq tu thosha se ka edhe njerëz të cilët  mbajnë disa poste. Duhet të kuptojë cdo njeri që ka një post publik nuk mund të thyejë rregullat ndërkmbëtare. Përpara epidemisë jemi të gjithë të barabartë”.

Po ahstu ajo ka shpeguar se nga kuptohet që një njeri ka koronavirus dhe nuk ka grip. Sipas saj një element i rëndësishëm është historia e udhëtimit në vendet e prekura.

“Ka një diferencë të madhe mes një pacienti që ka një situatë gripale që ne jemi mësuar ta kalojmë qoftë edhe në shtëpi. Ndërsa në rastet kur ka prekje të një numri të të madh njerëzish hyn në lojë ajo që quhet rregullorja e shëndetit publik. Padiskutim ka një histori me vendin nga vjen. Kjo është diferenca. Mos harrojmë që edhe për gripin është e rëndëishme të kuprohet ajo që quhet cilat kanë qenë kontaktet”, tha ajo. /abcnews.al

 

aurela-gace.jpg
ger ta22:26 | 28/02/2020

Këngëtarja e njohur Aurela Gaçe ishte e ftuar në “Provokacija” për të folur për këngën e saj më të fundit e cila është pritur mjaft mirë nga publiku.

“Veten dua gjallë”, është titulli i këngës që përcjell mesazhe prekës epër gratë e dhunuara. Këngëtarja tha se kjo këngë u përket të gjitha grave në botë që janë të dhunuara.

“Kjo temë u përket të gjitha grave. Njerzit që kanë probleme me veten e tyre nuk njohin as kombësi as pasaportë”, u shpreh këngëtarja.

Më tej Aurela tha se nëse do të ishte një nga shoqatat që mbrojnë të drejtat e grave, e vetmja e gjë që do të bënte, do të kërkonte ndryshimin e një ligji.

“Nëse unë do të isha një nga shoqatata e grave që punojnë për gratë e dhunuara dhe shpesh kam shkuar për të mbledhur fonde. Por nëse do të isha një nga drejtueset e shoqatave do të kërkoja të ndryshoja një ligj. Duhet të ekzistojë një ligjmë i fortë. Këta njerëz që dalin nga burgu dhe dalin ballë për ballë me atë gruan që e ka dhunuar gjithë jetën dhe ka fuqinë të shkojë ta varsë atëherë ai s’ka frikë. Merre fute diku atë që të mos dalë më ai. Se këta njerëz nuk ndryshojnë.

Unë kam njohur njerëz që kanë punuar në shtet nëpër zyra të larta dhe u janë dashur vite që të dalin nga manipulimi i mendjes të besosh se ti pa mua vdes. Fillon e beson,  po ma the që ti nuk vlen, unë do filloj ta besoj”, tha këngëtarja. /abcnews.al

 

 

 

jorgaqi-kristina.jpg
ger ta22:18 | 28/02/2020

Gjuhëtarja Kristina Jorgaqi e ftuar në “Provokacija” nuk i sheh me pesimizëm ndryshimet që ka pësuar shqipja.

Sipas saj kontaktet  me shumë gjuhë të botës kanë sjellë ndryshime cilësore tek shqipja.

“Shqipja ka zhvilluar kontakte të jashtëzakonshme me shumë gjuhë të botës, në radhë të parë me anglishten, por edhe e gjuhë të tjera. Këto kontakte kanë sjellë disa ndryshime cilësore.

Është gjëja më e natyrshme e botës që gjuhët të japin dhe të marrin. Natyrisht që ka pasur disa rrethana të favorshme për këtë gjë, ndryshimi i regjimit politik, haja e kufijve, lëvizja e lirë, por edhe procesi i globalizimit që lind me kthimin e anglishtes në një gjuhë të komunikimit ndërkombëtar.”, tha aji.

Sipas Jorgaqit kontaktet mes gjuhëve kanë më shumë gjëra pozitive se negative.

“Unë mendoj se kontaktet mes gjuhëve kanë më shumë gjëra pozitive se negative. Shqipja është një gjyhë shumë  evjetër dhe nuk ka lidhje farefinsie me gjuhët e tjera indoevropiane, pra është një degë më vete. Por shqipja është një gjuhë gjithashtu që është shkruar shumë vonë. Është shpallur gjuhë zyrtare shumë vonë, dhe është standartizuar prap shumë vonë”, u shpreh gjuhëtarja./abcnews.al

nano-provokacija.jpg
ger ta21:26 | 28/02/2020

Këtë të premte Mustafa Nano ia ka kushtuar monologun e tij emrit të emisionit “Provokacija”, i cili komentohet shpesh.

Nano i është referuar librit “Brenga e Ballkanit”, e Edith Durhan. Fillimihst ai sjell monologun origjinal të Durhamit me një shqiptar nga Kosova dhe më pas sjell edhe dialogun imagjinar se si do të bisedonte Durham me një shqiptar të Kosovës ditët e sotme.

Monologu i Mustafa Nanos:

Ka ende njerëz që nuk po ndjejnë qetësi për titullin e programit tim televiziv, “Provokacija”. Këta njerëz bëhen keq, turfullohen, zemërohen me mua nuk i mban vendi. E gjithë kjo mua më kujton një moment nga libri i Edith Durhamit, “Brenga e Ballkanit”. Në faqet e para është një bisedë, që Durhami e bën me një shqiptar të Kosovës dhe unë po e them këtu”

“Ti flet serbisht?”

“E di serbishten, por nuk e flas.”

“Pse nuk e flet?”

“Sepse nuk dua ta flas. Nuk kam ndërmend ta ndyj gojën time me fjalët e tyre.”

“Pse i urren kaq shumë?”

“Sepse i urrej. Nuk mund të mos i urrej. Kështu kemi lindur. Kështu jemi ne.”

“Si macet me qentë.”

“Bash ashtu, zonjushë! Si macet me qentë.”

Ky është dialogu dhe gjërat nuk është se kanë ndryshuar shumë. Unë e kam të lehtë ta përfytyroj situatën që Edith Durahami të ngjallet sot dhe të shkojë në një familje në Kosovë. E kam të lehtë të përfytyroj Durhamin të hyjë në një familje të Kosovës në një mbrëmje të së martës kur jepet programi “Provokacija”. Ndërsa familja është duke parë programin dhe është një anëtar i familjes që është duke turfulluar dhe Eduth Durhami bëhet kurioz dhe ndërhyn. I thotë: çfarë ke?’

“Ja ky bastard e ka titulluar këtë programin e emrin serb “Provokacija”

“Si quhet ky bastadrdi?”

“Mustafa Nano”.

“Është shqiptar?”

Shqiptar është me letra, por nuk besoj se ka gjak shqiptari, nuk ka sesi, shqiptari nuk i fyen shqiptarët? Pse do zgjidhte të emëronte programin me këtë emër të ndyrrë “PROVOKACIJA”

“Po ti flet serbisht?”

“Kurrën e kurrës unë e di serbishten, por nuk e flas.

“Po pse?”

“Sepse edhe ata nuk e flasinm gjuhën timë, kështu kemi lindur, kësjyu kemi jetuar ne”

“Si macet me qentë?”

“Po, bash ashtu zonjushë si macet me qentë dhe kështu do jemi sa të ketë jetë”.

Ky është një dialog imagjinar. Tani ka njerëz që mëndojnë se ku shqiptar imagjinar ashtu sikur shqiptari real i Edith Durhanit në dialogun eparë. Ka njerëz që mendojnë se shqiptarët dhe serbët janë si macet me qentë.

Unë personalisht nuk mendoj kështu. Unë mendoj ndryshe. Unë mendoj se problemi i armiqëisë mes shqiptarëve dhe serbëve ka lindur në momentin që Kosova ka lidnur si problem dhe ky problem armiqia do të vazhdojë për sa kohë që serbët do të vazhdojnë të besojnë se Kosova është “djepi i qytetërimit serb”. Për sa kohë që serbët nuk do të njohë shtetin e pavarur kosovar.

Në momentin që do të ndodhin këto gjëra, Kosova nuk do të jetë më problem dhe armiqësia mes serbëve dhe shqiptarëve ngadalë-ngadalë do të hidhet pas shpine. Kjo është një gjë që do të ndodhë sesbën sepse kështu ka ndodhur me të gjithë kombet e tjerë që kanë përjetuar armiqësi të kësaj natyre. Unë vë bast për këtë gjë.

/abcnews.al

 

shefiiii-1280x861.jpg
eri Ida22:48 | 25/02/2020

Në kuadër të masave të shtuara në pikat kufitare për parandalimin e përhapjes së koronavirusit në aeroportin e rinasit janë shtuar masat e kontrollit veçanërisht ndaj personave që vijnë nga Italia. Shefi i Njësisë Kufitare në ISHSH në Rinas, Lorenc Hashorva, këtë të martë nga Provokacija është shprehur se Shqipëria i ka të gjithë protokollet e nevojshme për të mbrojtur përhapjen e koronavirusit.

Hashorva përballë gazetarit Mustafa Nano është shprehur se në aeroportin e Rinasit ka një shërbim mjeksor që lidhet me të gjithë kontrollin sidomos me sëmundjet infektive dhe është një shërbim që ofrohet gjithmonë në Rinas.

Sipas tij është një protokoll që zbatohet në mënyrë të poërditshme dhe kjo është një situatë ezakonshme dhe normale pasi ne kemi kaluar dhe epidemi të ndryshme të tjera. Gjithashtu ai është shprehur se shfaqja e koronavirusit në Itali na ka ndryshuar dhe protokollin e kontrollit, në ndryshim me atë që ndiqnim më parë me udhëtarët që kishin pasur kontakt me vendet ku infeksioni ishte i përhapur.

“Çdo person që vjen kalon tek kontrolli ne rastin e shpalljes së emergjencës nga OBSH para dy javësh ishte një protokoll tjetër pasi zbatohej vetëm te personat që vijin nga Kina ndërsa me personat që vijnë nga Italia është një tjetër procedurë tjetër. Por në momentin që është evidentuar një problem e tillë është marrë një masë e shtuar për çdo pasagjer që vjen nga çdo zonë e Italisë. Pasagjerëve ju matet temperatuara me termomentra lazer”, tha doktor Lorenc Hashorva.

Gjithashtu doktori ka theksuar se deri më tani nuk ka asnjë rast të evidentuar të prekur nga koronavirusi në Shqipëri. Sipas tij nga Organizata Botërore e Shëndetsisë nuk ka asnjë lajm për ndalim të lëvizjeve, pasi nuk ka asnjë rrezik dhe nëse do të udhëtojnë, nuk duhet që të stepemi nga masat e marra pasi çdo gjë bëhet për të qetsuar qytetarët në çdo vend.

Pjesë nga biseda në studio:

Çfarë ndryshimi ka protokolli i udhëtarëve nga kina me atë nga Italia?

Me rastin e udhëtarëve nga Kina kishim një skedë ku i kushtonim histori skedës së udhëtimit që ai kishte bërë, nga vinte ku ishte dhe shqetësimet që ato kishin dhe pasi konfirmohej çdo gjë në lidhje me këtë skedë ato liheshin të lirë.

Keni të njëjtin sfat apo është shtuar?

Jo tashmë që nga dita e premte me urdhër të ministres së Shendetsisë është dyfishuar stafi në të gjithë pikat kufitare dhe në aeroportin e Rinasit.

Nëse do të shfaqet i sëmuri i parë me koronavirus në rinas do të ndryshojë situata?

Në Rinas është e njëjta gjë është e njëjta procedurë, nëse do të shfaqet do të dalin testet laboratorike. Ne do të japim alertin të parët në bazë të shenjave, do të njoftojmë 127 dhe në aeroportin e Rinasit ka një dhomë provizore karantinimi. Ne po intervistojmë dhe masim temperaturën të gjithëve për të paraprirë çdo pasagjeri.

Ne deri më tani nuk kemi identifikuar asnjë rast dhe pse nuk mund të flas me siguri?

Nuk mund të themi se kemi një rast të prekur për sa raste që çdo gjë akoma nuk ka identifikim në bazë të verifikimit të analizave.

Jeni të mbrojtur ju vetë në punë, keni kostume?

Patjetër ne jemi filtri i parë ne kemi veshjen, në radhë të parë. Maskat janë nga më të fundit të cilët na kanë siguruar maska cilësore.

Për herë të parë dje kam takuar njerëz që po planifikonin të iknin nëpër rrethina. A janë këto ide frut paniku të tepërt apo reagim normal?

Është një frut paniku i tepërt, pasi rasti që ka ndodhur në Itali ka qenë një rast izolimi në Itali. Nuk është zgjidhja ikja në rrethina.

Ju në këtë rast po bëni atë që kanë bërë inxhinierët në kohën e termetit, po përpiqeni që të ulni panikun te qytetarët?

Ne nuk po e bëjmë thjesht se duhet bërë por dhe nga ana profesionale dhe shkencore,vdekshmëria nga koronavirusi është 2 %. Në Kinë kemi një stabilizim të kurbës dhe duhet se po i bëjnë ballë më së miri. Siç është theksuar kjo është një sëmundje që prek njerëzit me probleme shëndetsore të mëparshme, probleme me mushkrit, zemrën etj dhe mbivendosja e gripit shkakton dhe vdekshmërinë.

A mendoni se Shqipëri i ka kapacitetet e duhura për ta përballuar një situatë të tillë?

Ne po zbatojmë të gjithë protokollet e Organizatës së Shëndetsisë. Ju garantoj se të gjithë protokollet anë sipas standarteve, ne jemi testuar dhe këto ditë ky është një tjetër testimi për ne. Por kjo me Italinë është një tjetë sprovë për ne, për të matur dhe kapacitete tona profesionale./abcnews.al

 

ok-ok.png
R D22:30 | 25/02/2020

Shefja e Infektivit në QSUT, Najada Çomo ishte e ftuar në “Provokacija” sonte me Mustafa Nanon, ku rrëfeu detaje nga masat që janë marrë në spital për koronavirusin. Ajo ndër të tjera tha se stafi mjekësor e ka kaluar “provën” me koronavirusin edhe pse në vendin tonë nuk ka rezultuar asnjë pacient pozitiv. Për çdo rast që paraqitet, tha ajo, ne e konsiderojmë si “pozitiv” dhe për 12 orë derisa del analiza pacienti izolohet në Infektiv, njësoj sikur të ishte mbartës i këtij virusi. Sakaq mjekët dhe infermierët vishen me uniformën përkatëse dhe qendrojnë në gatishmëri derisa të dalë analiza. Aktualisht në vendin tonë janë kryer analizat për 13 persona të dyshuar, por që fatmirësisht kanë rezultuar negative. Dy prej tyre kishin ardhur nga Kina, dhe pikërisht këto dy raste, tha Çomo, kanë qenë prova më e fortë, pasi dyshimet ishin të mëdha se mund të ishin bartës të virusit.

Pjesë nga biseda

A jeni e frikësuar?

Çomo: Jo…duke qenë se kam vite që punoj në shërbim me shumë infeksione që janë edhe vdekjeprurëse, jam shumë më pak e frikësuar, por s’mund të them se jam zero e frikësuar. Pra jam pak e frikësuar si individ jo si profesioniste.

Ky është një virus i panjohur?

Çomo: Nuk është fare i panjohur e ka zanafillën në 1960, por rrugës ka “ndërruar mendje” pra ka pësuar ndryshime genetike gjatë rrugës dhe në nëntor të vitit 2019 u shfaq si virus i ri, por brenda së njëjtës familje.

Nobelisti francez një nga zbuluesit e HIV në 2008 ka thënë se mbarë njerëzimi është i rrezikuar nga infeksione të ndryshme për shkak të globalizmit, lëvizjes ndërmjet shteteve dhe sapo mbaron një infeksion në kthesë do të shfaqet një tjetër.

Por njerëzit janë të kapur nga paniku?

Çomo: Njerëzit kanë të drejtë të kapen nga paniku, por duhen informuar mirë.

Cila do të ishte infoja që do më ngushëllonte mua sonte?

Çomo: Informacioni që na ngushëllon është se s’ kemi asnjë rast sot në Shqipëri, deri tani nuk është zbuluar asnjë rast edhe pse është kërkuar për ta gjetur.

Duhet theksuar se koronavirusi është tani në një kurbë të ulët në vendin e origjinës në Kinë për shkak të sezonit, me ngritjen e temperaturave kurba do të ulët.

Sa e rrezikuar është popullata shqiptare dhe sa mundësi ka që të mrbohet dhe të mjekohet?

Çomo: Po mund të infektohet Shqipëria nga koronavirusi, por janë marrë të gjitha masat që rastet të trajtohen.

Si e kuptoni kur një person është me koronavirus pasi simptomat janë të ngjashme me gripin.

Çomo: Historia e udhëtimit. Ne nuk dyshojmë tek një pacient që vjen nga Vlora, Saranda, etj. por dyshojmë tek një person që vjen me simptoma gripi por ka udhëtuar në vendet që janë shpallur vatra të koronavirusit. Pra ne bëjmë teste për një person që vjen, po themi nga veriu i Italisë por jo për një person që vjen nga Suedia.

Këtu nuk ka besim tek mjekësia në tërësi?

Çomo: Në atë vend që punoj shërbej ka një humanizëm të jashtëzakonshëm. Ata njerëz që punojnë në Infektiv kanë të drejtë të frikësohen si gjithë të tjerët, por puna nuk është vënë ndonjëherë në diskutim. Specialistët janë shumë të mirë dhe me eksperiencë. Kemi patur si për shembull rasin e gripit të derrit, por edhe gripi sezonal që mund të quhet i lehtë, por për mua nuk është i lehtë. Gripi ka shënuar më shumë vdekje në mbarë botën se sa koronavirusi.  Kam edhe një mesazh: 98 për qind e të prekurve me koronavirus shërohen, 2 për qind shkojnë drejt vdekjes dhe më të rrezikuar janë të sëmurët kronikë të mushkrive dhe zemres.

Spitali Infektiv ofron shërbim të mirë për personat që mund të sëmuren. Plani A është që të shtrohen në këtë pavion, ndërsa plani B vihet në zbatim nëse ka ndryshim të situatës. Një person që vjen si rast i dyshuar izolohet në dhomë në mënyrë që të negativizohet.

A bëhet ekzaminimi?

Çomo: Po bëhet në ISHP me labortor të certifikuar dhe analizat dalin nga 8 deri në 12 orë.

Këshillat?

Çomo: Të frenohemi pak nga dhënia e dorës kur takojmë njerëz; larja e duarve dhe të gjithat masat e tjera sanitare.
E dyta: nëse je qytetar që ke udhëtuar në ato vende ku është shfaqur koronavirusi deklarohu, që do të thotë telefono në numrin e urgjencës 127.

Ju do ta kaloni provën në rast se koronavirusi vjen në Shqipëri?

Çomo: E kemi kaluar provën e testimit sepse na erdhen 8 persona, 2 me temperaturë të lartë dhe kishin histori udhëtimi në Kinë. Ata u mbajtën të izoluar, të shtruar në spital, dhe fatmirësisht testimi doli se ishin me grip A. Por ama ne e kaluam provën sepse morëm të gjitha masat, kaluam edhe frikën personale sikur ai (pacienti) të ishte i infektuar. /abcnews.al

 

vinca.jpg
ger ta21:55 | 25/02/2020

Shkrimtari dhe publicisti Agim Vinca i ftuar në “Provokacija” u ndal mes të tjerash në marrëdheniet mes serbëve dhe shqiptarëve.

Vinca tha se më e ngurtë në këto marrëdhënie është Serbia, ku sipas tij as që mund të imagjinohet që një emision televizi të ketë emertim shqip, apo në radio të dëgjohet një këngë shqipe.

“Në Beograd nuk mund të imagjinohet që një emision i televizionit të Beogradit të ketë emërtim shqip. Në Beograd nuk mund të imagjinohet që ndonjë radio të lëshojë ndonjë këngë shqipe, madje as ndonjë interpretim të Inva Mulës apo Nexhmije Pagarushës që sapo u nda nga kjo jetë, nuk e di cilët kanë qenë reagimet për vdekjen e saj. Unë e di se as ne shqiptarët nuk jemi ëngjëj, por megjithatë është i pakrahasueshëm qendrimi i serbve dhe i Beogradit zyrtar dhe popullit të manipuluar serb në krahasim me atë që shqiptarët me gjithë krimet që kanë ndodhur përsëri janë të gatshëm ta shtrinë dorën. Por sërbët refuzojnë atë që ua ofron Kosova si shtet, nuk duan ta njohin. Në flamurin shtetëror të Kosovës janë gjashtë yje, gjashtë etni dmth”, tha Vinca.

Më tej publiciti u ndal edhe tek minishengeni Ballkanik, për të cilin tha se nuk ka kuptim që Kosova nuk do të jetë e barabartë në tyrezë si shtet.

“Nuk mund të ketë minishengen nqs se Republika e Kosovës që është shtet nuk do të jetë e barabartë rreth asaj tryeze dhe Srbia nuk do të ketë garancinë që ta ndëfrpresë fushatën që po bën ndër vite dhe nuk e fsheh kundër Kosovës”, u shpreh ai. /abcnews.al

 

mustafa-nanoo.jpg
ger ta21:07 | 25/02/2020

Në monologun e  tij në “Provokacija” këtë të martë, Mustafa Nano është ndalur tek rasti i futbollistit me origjinë serbe që pranoi të luajë me kombëtaren kosovare.

Bëhet fjalë për Ilia Iviç, vendimi i të cili u prit mjaft ashpër dhe u kushtoi vendin e  punës prindërve të tij. Të dy prindërit që punonin në administratën e Graçanicës u pushuan.

Ndërkohë, Nano teksa e cilëson vendimin e tij për arsye sportive, aludon se çfarë do të ndodhte nëse një djalë me origjinë shqiptare do të luante në kombëtaren serbe.

Pararësisht të gjithave thotë, Nano, vendimi i 17-vjeçarit mund të shërbejë edhe për të transmetuar mesazhe të rëndësishme që tensionet duhen ulur. Sipas Nanos, nëse motivi të jetë ky Ilia duhet të jetë hero i të gjithëve.

Monologu nga Mustafa Nano:

Në ekran është fotoja e një djali të ri. Është një djalë që jeton në Kosovë, punon në Kosovë, por është me origjinë serbe. Quhet Ilia Iviç. Është 17 vjeç, luan futboll. Luan me Flamurtarin, banon në Graçanicë dhe kohët e fundit autoritetet e Federatës së Futbollit në Kosovë, e ftuan këtë djalë që të bëhet pjesë e Kombëtares kosovare për moshat nën 19 vjeç. Ilia pranoi ta veshë fanellën e kombëtares kosovare. Mirëpo, ky fakt nuk u pëlqeu disave në Kosovë, një pjese të Kosovës, e kam fjalën për pjesën serbe. Për shkak të këtij gjesti prindërit e Ilias janë pushuar nga puna. Ata ishin pjesë e administratës lokale në Graçanicë dhe autoritetet serbe atje i kanë pushuar nga puna. Menjëherë kanë reaguar autoritete e Federatës së Futbollit në Kosovë, ata kanë protestuar deri pranë organizmave ndërkombëtare dhe kanë bërë shumë mirë.

Mirëpo, mendja ime prapë menjëherë shkon te një paralele e caktuar dhe unë kam menduar, po sikur kjo që ndodhi në Kosovë me këtë djalin me origjinë serbe të ndodhte në Preshevë me një djalë me origjinë shqiptare. Pra po sikur një djalë me origjinë shqiptare 17 vjeç atje të vendoste në një moment ta caktuar që të bëhej pjesë e kombëtares serbe. Çfarë do ndodhte? Kam frikë se do ta shpallnin tradhtar dhe prindërit do ia pushonin nga puna, dhe madje prindërit e tij nuk do gjenin vend ku të fshiheshin, sipas meje. Kjo është ajo që do ndodhte.

Tani për t’u kthyer te Ilia, te ky djalë që shohim në ekran. Unë nuk e di çfarë ka ndodhur në kokën e Ilias në momentin që ai ka marrë këtë vendimin e rëndësishëm. Unë nuk e di çfarë ka ndodhur në familjen e tij sepse ai e ka konsultuar këtë gjë me prindërit e vet dhe vendimin e ka marrë bashkërisht. Unë nuk e di nëse prindërit e tij kishin ndonjë mëdyshje në momentin që ky u ka thënë që duhet të bëjë këtë gjë. Unë nuk e di gjithashtu edhe se çfarë mendon pjesa tjetër e Kosovës. Nuk ka ndonjë anketim se çfarë mendojnë shqiptarët, por unë jam i prirur të besoj duke parë reagimet që qytetarët në Kosovë bëjnë në rrethana të tilla dhe të ngjashme, jam i prirur të mendoj se nuk u ka pëlqyer shumë fakti që Ilia Iviç ka dashur apo ka pranuar ftesën për të qenë pjesë e kombëtares kosovare. Shumë shqiptarëve me siguri u ka pëlqyer fakti që Ilia ka “tradhtuar” sojin e vet, por nuk besoj se u ka pëlqyer shumë fakti që Ilia do të jetë pjesë e kombëtares kosovare.

Ky ka bërë një gjest të rrallë dhe të guximshëm, ai bën vaki që e ka marrë këtë vendim për arsye krej sportive. Ai në një moment të caktuar ka dashur të afirmohet, ka pritur ndonjë ftesë nga kombëtarja serbe, nuk i ka ardhur kjo ftesë. Federata e futbollit shqiptar është treguar më e shkathët i ka bërë ftesën dhe ky ka pranuar menjëherë. Unë besoj se ky është varianti. Sikur të kishte edhe një variant tjetër, unë prap e përshëndes se duhet përgëzuar edhe për këtë se është një gjest gjithësesi i guximshëm.

Sikur të ishte situata tjetër, sikur ky të kishte motivime më të fisme, sikur ky ta kishte marrë këtë vendim me idenë që unë jam kosovar, unë jam banor i Kosovës dhe unë dua të luaj për kombëtaren e Kosovës dhe unë ftoj dhe të tjerë ta bëjnë këtë gjë, dhe përcjellin mesazhin jo vetëm te pjesa e Kosovës, por edhe te pjesa serbe. Përcjellin mesazhin që tensionet duhet të ulen, ka ardhur koha që të vendoset paqja. Sikur motivimet të ishin të tilla për mua, Ilia do të ishte heroi im, unë mendoj se do të duhej të ishte heroi i të gjithëve.

/abcnews.al

suzana-guxholli.jpg
nev ila23:13 | 21/02/2020

Suzana Guxholli eksperte e ekonomisë, ka qenë e ftuar mbrëmjen e sotme në emisionin Provokacija me gazetarin Mustafa Nano.

Si eksperte e ekonomisë, Guxholli foli për shumën e mbledhur nga shqipëria në Konferencën e Donatorëve në Bruksel.

Sipas Guxhollit, donacionet janë diku të 300 milion euro, ndërsa rreth 800 milion euro janë kredi, janë borxhe që duhet të kthehen përsëri, si i tillë ky borxh, rëndon borxhin publik, i cili mendohet se është diku te 70% të PPB. Duke rritur borxhet shteti shkon në falimentim, theksoi Guxholli.

Pjesë nga biseda në studio:

Mustafa Nano: Diskutimi që po bëhet mbi rezaultatet e Konferencës së Kreditorëve dhe Donatorëve, ju shokoi lajmi?

Suzana Guxholli: Po sepse e dëgjova nga ju, nga media që 1.15 miliardë euro është për ne një shifër e madhe. U shokova si fillim se u tha se u dhanë si donacion, pra si dhurim. Mendova se na i dhuruan.

Mustafa Nano: Pastaj fillova të shoh detajet rreth këtij donacioni, pastaj doli që ishte se diku te 20 % ishte donacion grant, dhe pak më pak se 80 % ishte kredi.

Donacionet jan para cash që i merr dhe mund ti përdorësh si të duash. Ato që i janë dhënë shqipërisë nuk është ndonjë sasi e madhe. Në 300 e ca milionë euro i janë dhënë shqipërisë grante dhe donacione. Diferenca mes të dyjave është se donacionet janë dhurime, kur falet dicka ndërsa granti jepet kundrejt projektit. Grantet i jepen projekteve bindëse se ato vlejnë kundrejt disa kushteve të caktuara.

Mustafa Nano: Qeveria i ka projektet?

Suzana Guxholli: Në njëfarë mënyre ato grante të cilat janë të lidhura vetëm me rindërtimin e godinave të dëmtuara e knaë një destinacion. Qeveria thotë se e ka programin dhe se e ka bërë projektin e rindërtimit por ne si shqiptarë dhe qeveria nuk ka eksperiencë të mirë në këtë drejtim. Janë fondet e Berlinit në Konferencën e Poznanit qeveria shqiptare ishte e vetmja që doli pa asnjë para pa asnjë projekt. Po kështu  edhe në Berlin, po kështu në fondet që ofronte përpara disa kohësh qeveria kineze kundrejt projekteve. Ne lëmë fonde të BE pa i shfrytëzuar, ne lëmë para të buxhetit pa i shfrytëzuar.

Mustafa Nano: Nuk kemi fuqi të bëjmë projekte?

Suzana Guxholli: Nuk kemi kapacitetet e duhura. Kërkohen njerëz të kualifikuar sepse është një zanat më vete që ka rregulla dhe mendësi të caktuara. Nuk duan të merren me projekte sepse nuk janë aq fitimprurëse në konceptin individual. Janë shumë përfituese për vendin, kuptohet por si duket nuk i gjejnë si shumë përfituese dhe nuk merret njeri me projekte, nuk i kushton njeri vëmendje. Pra nuk kemi një histori pozitive në këtë drejtim.

Ky fond shyqyr që erdhi dhe qeveria duhet ta marrë pozitivisht dhe duhet të mobilizohet dhe të bëjë plane afatgjata në këtë drejtim. Nga ajo që kam kuptuar  nga biseda të ndryshme që janë bërë nëpër studio televizive këto ditë, janë shumë të entuzizmuar dhe vazhdojnë ti mëshojnë aspektit viziv. Transparenca në përdorimin e këtyre fondeve është një kusht i madh. Është përgatitur një draft nga institucionet botërore të cilat përcaktojnë një sërë kushtesh që duhet të plotësohen. Për sa i përket 800 milion euro kredi është një borxh që duhet paguar nga ne. Kredi është një borxh i cili do të hyjë në borxhin publik dhe që të frenon për ta pranuar. Po u vu gjithcka në borxh kalohet pastaj në falimentim.

Mustafa Nano: Niveli i borxhit publik në shqipëri është në nivele të frikshme apo i pranueshëm?

Suzana Guxholli: Për standartet ndërkombëtare por edhe për standartet e kësaj qeverie, se kur erdhi në pushtet në vitin 2013 i faturonte qeverisë për të cilën kam punuar unë, 500 milion, që ishin borxhe të papaguara kompanive, e konsideronin borxh të madh dhe e konsideronin Shqipërinë në prag famlimentimi. Tani kjo qeveri ka 600 milion përtej borxhit publik të deklaruar, ata thonë se është nën 70% të PPB. FMN dhe Banka botërore thekson se borxhi zyrtar i deklaruar nuk përfshin PPP-të, nuk përfshin detyrimet e qeverisë ndaj biznesit fatura të papaguara në kohë, nuk përfshin gjyqet e humbura në gjykatat ndërkombëtare nga qeveria, nuk përfshi borxhin e privatit, pra shtimi i këtij borxhi me 800 milion euro nga konferenca, edhe sikur me 0 interes të na i japin, përsëri është një borxh. Ndaj qeveria duhet të mendojë seriozisht./abcnews.al

arber.jpg
eri Ida23:00 | 21/02/2020

Shkrimtar Arbër Ahmetaj këtë të premte nga Provokacija ka komentuar faktin se si Shqipëria ka ndryshuar, Përmes romanit të tij “Procesi”, që bën fjalë për jetën e shqiptarëve në fund të regjimit komunist.

Shkrimtari është shprehur se në këtë roman ka përshkruar me detaje ndryshimin që ka pësuar jeta e shqiptarëve në atë periudhë. Ahmeti ndër të tjera thekson se në libër tregohet se si shqiptarët u izoluan nga bota në atë periudhë.

“Në këtë libër tregohet qartë se si ka njerëz që janë të burgosur që nuk flitet dot dhe ka të tjerë në burgun e madh siç është dhe studenti i mjeksisë personazh i romanit, tregon se sa keq është të jesh i mbyllur dhe të mos kesh mundësi të dalësh jashtë të dëgjosh Jazz. Unë jam biri i librave të mi. Ato më kanë bërë ky që jam. Përmes romanit jam përpjekur që të shpjegoj jetën e mbyllur të Shqipërisë në kohën e komunizmit”, tha ai.

Shkrimtari përballë gazetarit Mustafa Nano është shprehur se kohët e fundit ka vënë re se në Shqipëri po bëhet lëtërsi e mirë. Sipas tij në një periudhë kohore letërsia shqiptare do të jetë më e mura në Kontinent.

“Në Shqipëri është duke u bërë letërsi e mirë dhe ka shumë mundësi që të jetë një ndër letërsitë më të mira në kontinent pas një farë kohë. Letërsitë e mëdha bëhen gjithmonë në periferi të zemrës. Letërsia shqipe do të dalë në Evropë dhe do të jetë një letërsi shumë e mirë. Në Maqedoni bëhet letërsi shumë e mirë që bëhet nga autorë maqedonas por edhe shqiptarë, në Greqi ka autor autor të mrekullueshëm, në Malin e Zi nuk është se njioh shumë por e përgjithshmja është se ka krijime të bukura dhe pse janë vende të vogla”, është shprehur ndër të tjera shkrimtari./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono