Emisione

700.jpg
in a08:50 | 25/03/2020

Aktivistja për mbrojtjen e të drejtave të emigrantëve Sonila Alushi në Bergamo, në një lidhje më “ABC e mëngjesit”, ka folur për situatën e vështirë në të cilën ndodhet vendi për shkak të koronavirusit. Ajo ka treguar detaje sa të frikshme dhe të rëndësishme, duke na bërë të ditur që situata atje është shumë serioze.

Alushi  tha se edhe familja e saj u prek nga COVID-19 duke treguar me detaje mënyrën se si arriti të kontrollnte panikun dhe shmangur rrezikun.

“Sipas këshillave që morëm me mjekun e familjes mesa duket ishte koronavirus. Të gjithë u izoluam edhe pse nuk e kishim sigurinë. Kemi 28 ditë që nuk shihemi me vjerrin pasi është izoluar sepse rreziku i tij është më i madh, për shkak të problemeve të tjera shëndetësore”, tha Aushi.

Gjithashtu ajo foli për komunitetin shqiptar në Bergamo ndërsa theksoi se janë të izoluara. “Ditët e para nuk kishim informacion për të prekur me COVID-19, por deri tani janë konfirmuar 9 viktima. Dy janë në zonën e Bergamos, provincë.

“Sa i përket zotërisë 60 vjeç në kontakt që kam kam me të afërt mësohet se nuk ka qenë i prekur me sëmundje të tjera.

Një aspekt i rëndësishëm është se në rajonin e Lombardisë mesatarja e moshës është 47 vjeç, popullsia italiane konsiderohet e vjetër”, u shpreh ajo.

Gjithashtu ajo ka folur edhe për familjen e saj dhe se po e kalon koronavirusin.

“Sëmundjen e kemi përjetuar në mënyra të ndryshme. Nuk u kurova me mjekime. Mora informacion nga mjeku. Në këtë moment që flasim jam në ditën e 20. Në rastin tim kam pasur dhimbje koke, temperaturë, rëndesën në kraharor e ndjeja, por në krahasim me të tjerët e mora vetën shumë shpejt. Në këtë moment Bergamo po humb një gjeneratë të tërë, flasim për moshën rreth 70 vjeç.

Kam bërë mbi 10 telefonata për ngushëllime. Humbjet janë të përditshme, janë më shumë se numrat shqiptarë. Në disa raste ka vdekje në shtëpi dhe këto kufoma qëndrojnë në shtëpi edhe për ditë me radhë.

Na thonë që në këtë provincë po vdesin më shumë njerëz. Koronavirusi por vret më shumë. Tashmë vendi është një gjendje shoku, njerëzit nuk po e kuptojnë e jetëve.

Para tre ditësh fqinja na tha që kishte humbur bashkëshortin , dhe ne e morëm vesh nga ballkoni është vërtet e pabesueshme.

Gjithashtu përtej frikës apo panikun ka dhënë një mesazh të rëndësishëm, duke kërkuar qytetarëve që të përballen me realitetin. Por ajo theksoi që ky virus nuk duhet nënvlerësuar, zgjidhja më e mirë është të vazhdojmë të qëndrojmë në shtëpi, duke evituar sa më shumë numrin e vdekjeve. Jeta jonë varet nga tjetri dhe jeta e tjetrit varet nga e jona, duhet të ndërgjegjësohemi”, tha Aushi.

madrit.jpg
in a08:56 | 24/03/2020

Në një lidhje me “ABC e Mëngjesit” , Eduard Hyseni ka folur për dëmet që i shkakton ekonomisë COVID-19. Ai u shpreh se kjo situatë rëndon mbi ekonominë.

“Kjo krijon një dëmtim të ekonomisë. Është një problem shumë i madh. Agjecitë tona në Shqipëri punojnë më tur operator . Duke iu referuar Spanjës dhe qeverisë spanjolle, kompanitë i nxjerrin të papunë punëtorët dhe shteti i paguan më një asistencë. 

Kompanitë turistike mendojnë se do të humbaasin rreth 40 mld euro. Shqipëria nuk është njësoj më Spanjën, Gjermaninë apo Amerikën, por pavarësisht kësaj duhet të merren masa paraprake”, u shpreh ai.

I pyetur nga gazetari Enkel Demi për paketën ekonomike të propozuar ai theksoi se është  e njëjtja politikë e përgjithshme. Është e ndërtuar për të mbajtur këtë industri. E dimë që do të jetë e vështirë dhe do të jetë një rënie të fortë dhe kjo nuk është vetëm në Shqipëri.

“Ato politika që po bën qeveria janë të sakta për të mbajtur sistemin që të mos ketë probleme. Kjo situatë është  globale. Turizmi shqiptar varet nga turistët e huaj, nga ato që sjellin tur operatorët.

E keqja e kësaj krize është goditje e menjëhershme dhe nuk la kohë ta studiosh. Në të njëjtën kohë ka diçka tjetër sepse në 2008 ishte një krizë bankare, por kjo është ndryshe. Bankat në këto momente kanë më shumë fuqi dhe duke pasur këtë mbështetjen e bankave kam përshtyjpje se do të ketë ndikim pozitiv. Do të jetë e vështirë, por më e thjeshtë për tu kaluar.

Ky është rasti për të pritur një bum ekonomik?

“Është një rritje ekonomike, por në disa sektore. Po të nisemi të biznesi i vogël është pak më e vështirë”, u shpreh ai.

7896.jpg
in a07:51 | 24/03/2020

Në lidhje më “ABC e Mëngjesit” me Enkel Demin, epidemiologu Ilir Alimehmeti  ka folur për evolucionin e sëmundjes, COVID-19.

Ai u shpreh se sëmundjet infektive janë hendeku i parë të cilat duhet të trajtohen. Sëmundjet numër një janë sëmundjet infetkive. Ky është një moment ku natyra na kujton që hendeku u parë janë sëmundjet infektive.

Gjithashtu ai theksoi se shifrat deri tani janë të ulëta dhe se në të gjithë botën shihen vetëm rastet që shtrohen në spital.

“Ky është një fillim i butë dhe do të presim nëse do të kemi një ngjitje më të fortë se ky. Në statistikë sa më i lartë të jetë numri aq më i saktë është parashikimi. Në mund të punojmë më të për informacione të sakta. Kosova vetëm dje ka rreth 100 teste dhe na jep një ide më shumë, ndërsa në Shqipëri ende nuk e kemi këtë gjë. Kosova ndjek një logjikë tjetër edhe sepse është pak më mbrapa me ecurinë e infeksioni në krahasim me ne. Ajo që vura re është që në një zonë shumë të vogël në Kosovë, shkuan më një numër të lartë testesh dhe zbuluan rreth 26 persona. Duhet parë personat e kontaktit, ky është gjurmimi.

 Karantinimi është për të mos lejuar realizimin e rritjes së virusit. Ata pak persona që do të kenë nevojë për një ndihmë më të specilaizuar të kenë mundësi të ndihmohen në spitale, ky është edhe qëllimi i vetëizolimit. Duke parë të dhënat e të gjitha shteteve të tjera kjo nuk do të ndalet, çështja është sa do të zgjasë dhe ditën që do të zbutet, si do të ndryshojë.

Shumica e personave nuk shfaqin shenja, ndërsa disa të tjerë shfaqin shenja të vogla të COVID-19.

Nuk e dimë me çfarë do të përballemi në javët që vijnë. Në Itali gjejnë shumë pak emigrantë, sidomos në zonat e kuqe ka shumë pak ose aspak të raportuar për shqiptarë.

Kjo është një sëmundje që mbivendoset mbi sëmundjet e tjera dhe shkakton probleme për personat më të brishtë.

Shqipëria është në një kontatkt më të egër më viruset dhe bakteret, kjo mban sistemin imunitar më në këmbë. Njerëzit që kapërcejnë këtë hendet me sëmundjet infektive janë më të mbrojtur nga këto sëmundje”,

Gjithashtu ai theksoi se edhe në Shqipëri priten rritje rastesh, por këndi i rritjes sipas tij do të jetë më i ulët.

“Shifrat mbi epideminë e gripit në Shqipëri gjenden lehtë. Çdo vit përllograriten disa qindra vdekje nga gripi sezonal. Nuk ka bërë përjashtim as ky vit. Gripi tek ne kalon vit për vit. Një nga epidemitë më të larta ka qenë gripi i derrit.

Ky lloj paniku publik, vdekshmëria e gripit sezonal deri tani tregohet që ka qenë më e lartë në shifra absolute. COVID-19 është në një familje me gripin.

Sipas të dhënave që kemi, penumonia e shkaktuar nga COVID-19 ka një vdekshmëri në spitalin e  Genovas prej 2 %, ndërsa pneumonitë e tjera kanë një vdekshmëri me 4%. Italia llogarit që për çdo perosn që ësht pozitiv 10 të tjerë janë të infektuar dhe ata nuk e dinë”.

mjke.jpg
in a10:02 | 23/03/2020

Në një lidhje më “ABC e Mëngjesit” me Enkel Demin, doktor Kita Sallabanda Diaz, ka folur për situatën aktuale të shkaktuar nga koronavirusi.

i theksoi se i gjithë sistemi i spitalit në të cilin punon është në shërbim të koronavirusit dhe se është bërë një ndarje e stafit që do të trajtojë pacientët me koronavirus dhe pacientët me sëmundje të ndryshme.

Në një lidhje nga Spanja vendi në të cilin edhe ai aktualisht është i vendosur dhe punon u shpreh se personat të cilët kanë edhe sëmundje kronike janë më të rrezikuar, pika më e dobët e këtij virusi agresiv.

Një ministër i mbrojtjes i Izraelit ka theksuar që që të gjithë të sëmurët kronik dhe të moshuarit ti marrë në mbrojtje shteti, edhe ne këtë po përpiqemi të bëjmë.

“Duhet treguar një kujdes i veçantë për të sëmurët kronik, pasi ata janë më të rrezikuar. Duhet një procedurë e veçantë për mënyrën se si duhet ti trajtojmë të sëmurët. Izolimi është i rëndësishëm sidomos më të sëmurët kronikë, personat me kancer, duhen trajtuar më shumë kujdes dhe protokolle të veçanta. Gjithashtu ai theksoi se të sëmurët dhe ata që konsumojnë duhanin janë shumë më të rrezikuar.

Më tej ai tha se duhet ta lënë duhanin sepse është një faktor risku. Pirja e duhanit favorizon infeksionin.

“Tani kemi një problem të madh, të përballemi me sëmundjen më vonë të flasim për çështje të tjera”, u shpreh ai.

 

enver.jpg
eri Ida22:45 | 21/03/2020

Me çfarë lloj informacionesh mbushej emisioni televiziv i lajmeve gjatë kohës së komunizmit?

Këtë temë propozon dokumentari i ciklit Abc Story që ju propozojmë të ndiqni në vijim./abcnews.al

07cfc6b3-924e-41bc-b7ab-2e8e43c35fba.jpg
in a20:45 | 19/03/2020

Koronavirusi ka shkaktuar panik botëror  me një numër të lartë të prekurish duke mos kursyer as jetët e njerëzve. Shifrat e personave të cilët humbin jetën janë në rritje dhe alarmante.

I ftuar në në “Mbrëmje në ABC” me Mirela Milorin Drejtori i Përgjithshëm i Spitalit Amerikan, Klodian Allajbeu u shpreh se kjo situatë do të kthejë vëmendjen te studimet shkencore.

Gjatë bisedës në studio Allajbeu u shpreh se problemi më i madh që shfaqet, është se COVID-19, ka kapacitetin e mutacionit, dhe nuk dihet se çfarë mund të ndodhë.

Biseda në studio: 

Mendoni që kur të kalojë kjo pandemi do të shohim tek vetja, ku jemi?

Allajbeu: Do të ketë një kthim të fuqishëm drejt shkencës së mjekësisë. Njeriu do të reflektojë, të gjithë vendet do të reflektojnë për të vendosur më shumë fonde më të gjëra drejt sistemit shëndetësor. E njëjta gjë do të jetë edhe për Shqipërinë. Këto ditë po e kuptojmë se sa e rëndësishme është për një vend, një shëndetësi e zhvilluar, dhe një mjekësi që parashikon një menaxhim krizash. Në Amerikë ka spitale që nuk përdoren dhe lihen enkas për rastet e epidemisë.

Përse ra në kolaps sistemi i Italisë?

Allajbeu: Kolapsi i Italisë dhe i Italisë së veriut në veçanti së pari ishte se u mor lehtë. Nuk e morën seriozisht këtë virus. Shembulli i parë ishte Italia, dhe të tjerë duke parë dramën e Italisë, masat i ndërmorën shumë më shpejt. Italia është vendi me popullsinë më të vjetër në Europë.

Çfarë e bllokon një sistem spitalor?

Allajbeu: Në këtë rast, e bllokon fluksi. Në momentin që nuk ndërmerr masa, virusi shtohet tek shumë njerëz. Ka një përqindje të caktuar se nga të infektuarit rreth 15% kanë nevojë për trajtim spitalor dhe nga këta, 20 % e tyre kanë nevojë për trajtim të zhvilluar me mbështetje, dhe pajisje oksigjeni. Dhe këtu është bllokimi, sepse Italia për 100 mijë banorë, kishte 14 respiratorë. Ky nuk është një numër i keq, për kushte normale. Në momentin që numri i pacientëve që kishin nevojë për frymarje të asistuar ishte shumë më i madh, ky sistem nuk e përballoi  dot. Ata u detyruan të bënin përzgjedhje në numrat e njerëzve. Por sot që po kthjellohen gjërat, shohim se ky virus përsëri është i mëshirshëm, sepse merr njerëzit në moshë shumë të avancauar, dhe ndërmjet tyre, njerëz që kanë disa sëmundje të tjera bashkangjitur.

Mendoni që do të ketë ndryshime të tjera, mutacione të tjera?

Allajbeu: Problemi i madh sot është se ky virus ka kapacitetin e mutacionit, dhe nuk dihet çfarë do të ndodhë në vazhdim, dhe çfarë mund të ndodhë vitin tjetër. Kërkimet do të zgjerohen shumë, dhe fondet për trajtimin e viruseve në të ardhmen do të jenë më të mëdha. Ky është një rrezik që askush nuk mund të japë siguri sot.

Spekulime se është virus laboratorik?

Allajbeu: Çdo 20-30 vjet ka pasur një virus të tillë, mbase jo të kësaj përmase. Por gripi me mutacionet e tij, ka ndikuar gjithmonë popullatat dhe ka vdekur miliona njerëz.

Të gjithë sot po përpiqen që këtë ta trajtojnë. Nëse është laboratorik çdokush kupton se nuk mund të luajë më me këtë.

Besoj që ky, si viruset e tjera, do të trajtohet, vaksina do të dalë, dhe do ti kthehemi normalitetit.

Mendoni se pas kësaj që po kalon njerëzimi do të nxjerrë një mësim, dhe ndoshta do të rishikojë mënyrën e rendit ku jetojmë?

Allajbeu: Sot nuk mund të vendosësh dot kufij. Ajo që mendoj se do të bëjë njerëzimi, është një bashkim më i madh.

Nëse një virus i kalon njeriut, ai më pas është i të gjithë njerëzve. Çdo gjë që shtetet duhet të bëjnë në të ardhmen, duhet të jenë fonde të caktuara, për të ndaluar përhapjen e virusit, që në fazat e para, dhe të trajtimit, ose të gjitha sëmundjeve të tjera ngjitëse.

Nuk besoj që vendet do të shtrengojnë kufijtë, këto janë masa për menaxhimin e krizës. Tendenca e të gjithë njerëzimit, është për tu bashkuar, dhe kësaj nuk i shpëtojmë dot.

Mendoni që njerëzit do ta kthejnë vëmendjen tek njerëzorja?

Allajbeu: Mendoj që njerëzve do tu shërbejë, atyre që do të duan, tu shërbejë. Nuk besoj shumë se do ti ndryshojë tendenca e jetësës së njerëzimit. Përsëri ne harrojmë shumë shpejt.

Ne sot nuk jemi pjesë e trajtimit të rasteve me COVID-19, por një nga spitalet tona, është i përgatitur që, në momentin që Ministria e Shëndetësisë do të bëjë thirrje, ne do ta vendosim në dispozicion, deri sa të ketë nevojë. Në spitalet e tjera pranojmë raste urgjence, duke marrë të gjitha masat për ruajtjen e stafit, dhe për identifikimin e pacintëve potencialë, që mund të jenë me COVID dhe mund të infektojnë.

Më tej Allajbeu u shpreh se, sot po shohim një përqasje sakrifikuese, dhe asnjë nga stafi nuk ka shprehur pakënaqësi për tu larguar nga kjo luftë.

/abcnews.al

klodjan-allajbeu.jpg
Sid Orela20:30 | 19/03/2020

Këtë të enjte në “Mbrëmja ABC” në studio me gazetaren Mirela Milori ndodhet Drejtori i Përgjithshëm i Spitalit Amerikan, Klodian Allajbeu.

Në bisedën në studio u fol për krizën që ka shkaktuar koronavirusi në vendin tonë, si po e përballon Shqipëria këtë periudhë dhe a kanë qenë efikase masat e marra deri më tani.

Sipas zotit Allajbeu, masat e marra deri më tani kanë qenë efikase dhe kanë dhënë rezultat. Ai e krahason situatën e krijuar me “një rrufe ne qiell të hapur që u prishi njerëzve qetësinë”.

Ai u shpreh:

“Deri tani, krahasuar edhe me eksperiencat e vendeve të tjera, Shqipëria po performon me rezultate pozitive. Nëse shohim impaktin që virusi ka pasur në gjithë vendin tonë është një impakt i kontrolluar pasi asnjë vend nuk pasur një mundësi për t’ju shmangur kësaj pandemie. Por vendi ynë sërish ka pasur një kontroll mbi situatën. Deri më tani rastet që janë identifikuar edhe ato që pretendohet që të jenë prekur, përsëri janë në një numër, i cili megjithëse është ende herët, për ta parë me pozitivistet. Mund të themi që masat e marra deri më tani kanë qenë efikase dhe kanë dhënë rezultatet e duhura.”

Për të vënë në dukje se, mjekësia tashmë ka përparuar, dhe pandemitë mund të jenë më pak të dëmshme, dhe të kontrollueshme, Klodian Allajbeu sjell në vëmendje të shkuarën, kur bota ka kaluar sëmundje të rënda, që u kanë marrë jetën njerëzve në masë.

“Nëse shohim në histori, mund të kujtojmë Murtajën e Justinjanit në Bizant. Mori përmasa të mëdha. Vdiq 1/3 e popullatës, pati ndikim të madh në mënyrën sesi funksiononte bota në atë kohë. U përhap në Romë.. numri i njerëzve që vdiqën ishte i pamatshëm…”

Më tej ai përmend edhe Murtajën e Zezë, dhe pasojat që ajo solli me vete, duke shtuar se, “sot në sajë të mjeksësisë moderne nuk kemi këto impakte.

Sa i përket mënyrës, sesi vendi ynë i është përgjigjur krizës, Allajbeu u shpreh se metodologjitë ndryshojnë në varësi të vendeve.

Mirela Milori: Italia është goditur rëndë, Kina jep at shifra, por duke qenë regjim diktatorial, ka filluar të dyshohet nëse janë vërtet ato shifrat e vërteta. Ka metodologji të ndryshme. Për shembull, Britana e Madhe ka futur në karantinë 65 e lartë dhe pjesa tjetër e popullatës nuk ka marrë masa ekstreme. Ne kemi një regjim që na është reduktuar edhe dalja… në opinionit tuaj cila është metodologjia e duhur për të përballuar koronavirusin?

“Për ne kjo metodë është e duhura. Jemi vend i vogël, organizohemi më lehtë, në vende të mëdha është më e vështirë. Impakti në ekonominë e tyre do jetë drastik. Këto masa janë të domosdoshme, nuk besoj se do kishte një mënyrë ndryshe për ta përballuar“, u shpreh Allajbeu.

Më tej gjatë bisedës, ai tha se nëse do të ketë nevojë, një nga spitalet, do të jetë gati për të trajtuar pacientë me Covid-19.

Spitali çfarë logjistike ofron? Nëse qeveria, nëse shteti ju thërret on call?

“Në filluam para tre ditësh trajnimin e gjithë stafit tonë për një nevojë të tillë që mund të jetë në të ardhmen. Një nga spitalet tona do të vendoset në dispozicion si fillim me një staf të kompletuar, të trajnuar në dispozicion të vendit për të trajtuar pacientët me Covid… Ne kemi kapacitetet tona me staf, me respiratorë… Ne kemi bërë një organizim perfekt nga ambulancat deri tek trajtimi shëndetësor, te trajtimi spitalor.”

Pra, stafi dhe përgatitjet janë gati nëse do të jetë e nevojshme ndihma e Spitalit Amerikan. Intesiteti i situatës, sipas Allajbeut, mund të bjerë nga muaji qershor./abcnews.al

korona12.jpg
Autor E11:22 | 19/03/2020

Të bombarduar nga informacionet mediatike, shqiptarët, me të drejtë, i ka përfshirë paniku i përhapjes së epidemisë së fundit të gripit kinez.

Asnjëherë më parë ata nuk kishin pasur një informacion kaq të hollësishëm, kaq të plotë dhe kaq të përditësuar për një rrezik që ka të bëjë me vetë ekzistencën e tyre biologjike.

Kanë të drejtë! Mjekët, epidemiologët apo specialistë të tjerë, nuk janë të sigurt dhe nuk japin garanci të plota, pasi ata nuk e kanë hasur e trajtuar më parë këtë sëmundje.

Por, ka gjithsesi një lajm të mirë. Nëse zhysim vështrimin në thellësi të së shkuarës, për të lexuar ndonjë informacion shpresëdhënës, statistikat shfaqen optimiste, pasi nuk flasin për humbje të rëndësishme jetësh njerëzore.

Pra, edhe pse historia njeh një numër të madh epidemish e pandemish të kaluara përmes trojeve tona, humbjet njerëzore në asnjë rast të njohur nuk kanë qenë të përmasave të konsiderueshme.

Të vendosur kryesisht në fshatra të shkëputur nga njëri-tjetri, apo qoftë në lagje të vogla e kulla krejt të veçuara, dhe pa kontakte të shpeshta me njëri-tjetrin, shqiptarët duket kanë qenë një popull me fat përsa i përket përballjes historike me epidemitë apo qoftë pandemitë botërore.

Në këtë mënyrë ata i kanë shpëtuar me pak pasoja edhe pandemisë së murtajës, të viteve 1346-1353, e cila me shifrën 75-200 milionë të vdekur i shkaktoi botës humbjen më të madhe njerëzore të të gjitha kohërave.

Të njëjtat rrethana i kanë ndihmuar shqiptarët që ti shpëtojnë me pak pasoja edhe epidemive të kolerës, por edhe atyre të gripit.

Por kohët kanë ndryshuar. Tashmë të zbritur e grumbulluar në qytete të mëdha dhe fare pranë qytetarëve dhe qytetërimeve të tjera të Botës, shqiptarët nuk e kanë më atë guaskën mbrojtëse të dikurshme, të garantuar, qoftë nga mënyra e jetesës, qoftë nga gjeografia, qoftë nga sistemi i mbyllur politik komunist.

Tashmë ata, ashtu si e gjithë bota, duhet të përballen me të njëjtën frekuencë të përhapjes së viruseve dhe me të njëjtin risk të humbjes së jetës së tyre apo të të afërmve.

koronavirus-pacientet-gjaku.jpg
Autor E11:12 | 19/03/2020

Të gjitha vendet e Ballkanit janë prekur tashmë nga koronavirusi ndërkohë që qeveritë respective kanë marrë masa për tu përballur me të.

Mjekë, politikanë dhe gazetarë tregojnë se cfarë po ndodh në Prishtinë, në Ulqin, në Shkup dhe në Beograd.

Më poshtë, ndiqni të plotë intervistat e gazetares së Abc News, Linda Karadaku për emisionin Ballkan:

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono