Kanë përfunduar tre ndeshjet “play-out” të Kategorisë së Parë. Në grupin A u luajtën dy takime, që prodhuan 9 gola. 2-2 përfundoi Erzeni-Veleçiku, sfidë që nuk kishte asnjë interes. E njëjta situatë edhe për përballjen Oriku-Partizani B, që përfundoi 2-3 për “Demat”.
Veleçiku dhe Partizani B do të luajnë në Kategorinë e Dytë sezonin e ardhshëm, teksa Oriku do të luajë finalen e “play-out”. Elbasani e mbylli me tre pikë aventurën në grupin B të Kategorisë së Parë.
Verdheblutë mposhtën 2-0 Flamurtarin falë golave të Hasanajt dhe Dushajt. Triumf pa rëndësi për Elbasanin, që do të luajë në Kategorinë e Dytë, ndërsa qëndrimi në Kategorinë e Parë për kuqezinjtë nga Vlora varet nga takimi “play-out”. /abcnews.al
