Kate Middleton këtë të enjte më 9 janar mbush 43 vjeç dhe është gati të kalojë një vit të qetë në krah të bashkëshortit dhe fëmijëve të tyre.
Ndërsa Mbreti Charles është ende duke u trajtuar për kancerin, Princi William ngarkohet me detyra shtesë dhe Kate Middleton dëshiron t’i qëndrojë pranë dhe ta ndihmojë atë në çdo mënyrë që të mundet.
“Viti i kaluar ishte një vit i mrekullueshëm dhe William mori një rol solo si burrë shteti, por duke shkuar përpara, mendoj se Catherine do të kalojë më shumë kohë pranë tij”, tha biografi i Kate Middleton, Robert Jobson.
Ai shtoi: “Të dy do të kenë në mendje edukimin e fëmijëve të tyre dhe do të sigurohen që të jenë pranë tyre nëse ndodh diçka kritike, por do të ketë situata ku ata do të duhet të vënë vendin dhe detyrën përpara fëmijëve të tyre. Pasi Trump të bëhet president, do të ketë një vizitë tjetër shtetërore dhe William dhe Catherine do të luajnë një rol kyç, ashtu siç bëri mbreti herën e fundit kur mbretëresha e ndjerë ishte gjallë”.
Kate Middleton muajt e fundit gradualisht po i rikthehet detyrave të saj zyrtare dhe në dhjetor 2024 organizoi festën e Krishtlindjeve “Together at Christmas”, si çdo vit. Megjithatë, Princesha e Uellsit e ka bërë të qartë se prioriteti i saj është shëndeti dhe familja e saj.
“Ajo që ne pamë vitin e kaluar ishte ajo që i dha përparësi rimëkëmbjes së saj dhe nuk ka pasur asnjë ndryshim në këtë,” tha një burim për revistën Hello./abcnews.al
