Xhevahir Kapllani, pas humbjes së parë të Erzenit kundër Bylisit foli për Oversport: “Ne vinim nga një pauzë me kombëtaren. Nuk më vjen keq për humbjen, por për dhuratat që i bëmë me shumicë kundërshtarit”.
“Dy golat e parë i kemi pësuar nga goditjet standarde. Sot erdhi çuditërisht një ditë e keqe. Absolutisht nuk kishte shenja nënvlerësimi. Mendoj se jemi munduar të ulim euforinë, por ajo është e pashmangshme në raste të tilla”.
“Duke parë dhe fushën që nuk ishte në nivelin e duhur, donim të luanim me topin e gjatë. Kishim momente që mund të rikuperonim topin donim të kapnim në çekuilibër kundërshtarët. Në momentet e mira meritat i marrin lojtarët. Në raste të këqija, si kjo sot, e merr trajneri”.
“Në momentin që shënuam kisha shpresë se mund të bënim diçka, por ky është futbolli”, tha në përfundon Kapllani. /abcnews.al
