Policia e Elbasanit ka venë në pranga dy persona, të cilët akuzohen për shitje të lëndë narkotike.
Në kuadër të operacionit të koduar “Marketi”, janë vënë shtetasit E. S., 31 vjeç dhe R. D., 22 vjeç, të dy banues në Cërrik.
Sipas policisë këta dy shtetas njëri pronari dhe tjetri punëtor i marketit merreshin me shitjen e lëndës narkotike.
Ndërkohë në cilësinë e provës materiale është sekuestruar rreth 2.6 kg lëndë narkotike kanabis dhe një aparat celular.
Njoftimi i policisë:
Finalizohet operacioni policor “Marketi”, i ndjekur me metoda speciale hetimi, për goditjen e veprimtarisë kriminale në fushën e narkotikëve.
Operacioni nga Sektori për Hetimin e Narkotikëve në DVP Elbasan, në bashkëpunim me shërbimet e Policisë Cërrik.
Sekuestrohen një sasi kanabisi dhe një aparat celular.
Vihen në pranga pronari dhe punëtori i një marketi.
Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, specialistët për Hetimin e Narkotikëve dhe Trafiqeve të Paligjshme në Drejtorinë Vendore të Policisë Elbasan, mbi bazën e informacioneve të marra në rrugë operative se 2 shtetas merreshin me shitjen e lëndës narkotike, organizuan dhe finalizuan operacionin policor të koduar “Marketi”, në kuadër të të cilit u bë kapja dhe arrestimi në flagrancë i shtetasve:
E.S., 31 vjeç dhe R. D., 22 vjeç, të dy banues në Cërrik.
Shërbimet e Policisë, gjatë kontrollit të ushtruar në marketin me pronar shtetasin E. S. dhe punëtor shtetasin R. D., gjetën dhe sekuestruan në cilësinë e provës materiale rreth 2.6 kg lëndë narkotike kanabis dhe një aparat celular.
Vijon puna për identifikimin dhe arrestimin e personave të tjerë që janë të përfshirë në këtë veprimtari kriminale.
Materialet procedurale do t”i kalojnë Prokurorisë pranë Rrethit Gjyqësor Elbasan, për veprën penale “Prodhimi dhe shitja e narkotikëve”./abcnews.al
