Juventusi e ka humbur qetësinë dhe situata në skuadër është përkeqësuar. Stërvitja e fundit përpara ndeshjes së nesërme jashtë fushe kundër Bologna për kampionat (e hënë, 21:45) ka sjellë një përplasje mes Maurizio Sarrit dhe Miralem Pjanic.
LEXO EDHE: Tension bardhezi: “Harroje, nuk luaj aty!”, zbulohet prapaskena CR7-Sarri
La Stampa raporton se situata mes trajnerit dhe mesfushorit boshnjak është tensionuar shumë. Pjanic përflitet për një largim nga bardhezinjtë. Barcelona dhe PSG e pëlqejnë, teksa nuk do të luajë në ndeshjen e kampionatit kundër skuadrës së Mihajlovic.
Sarri ndodhet në presion, kritikat ndaj tij kanë arritur kulmin dhe pakënaqësia te lojtarët nuk mungon. Në fillim u “përplas” me Ronaldon, ndërsa tani ndodhi me Pjanic. Trajneri vendosi ta aktivizonte si qendërsulmues CR7 në finalen e Kupës së Italisë, por ky i fundit refuzoi dhe zbriti në fushë si sulmues i majtë. /abcnews.al
