Në studion e “Special Report” me gazetarin Arlind Isa, ka qenë i ftuar kreu i LZHK-së, Dashamir Shehi, i cili ndër të tjera foli edhe për kandidatët e “Foltores”.
Ai tha se fatmirësisht në shumicën e zonave është vetëm një kandidat nga opozita, duke udhëzuar kandidatët e “Foltores” që të përfaqësojnë të gjithë opozitarët dhe jo vetëm ata që duan Berishën.
”Fatmirësisht në shumicën e zonave kemi një kandidat. T’i përqendrojmë të gjithë forcat te ky kandidat. Uroj që këto kandidatë të jenë në gjendje ta interpretojnë situatën, mos bëhen vegël e grupit që i ka përzgjedhë, konkretisht “Foltores”.
Nëse kandidatët do e marrin si garë e “Foltores” ndaj Ramës, do ta zvogëlojnë mundësinë e fitores.
Kandidatët duhet të përfaqësojnë të gjithë komunitetin opozitar, duke prodhuar ide për qytetarët.
Kjo duhet të jetë filozofia që duhet t’i tërheqë këto zotrit. Duhen të dalin në emër të qytetit dhe opozitarëve. Nuk mund të jetë përfaqësues i thjeshtë i atyre që duan Berishën”, tha Shehi.r.t/abcnews.al
