Kamza dhe Lushnja arritën rezultate pozitive në javën e 17 të Superligës. Skuadra e trajnerit Ramadan Ndreu mori një fitore me mjaft vlera në fushën e vet, duke mundur 3-1 Laçin. Kamzalinjtë patën vetëm një moment të vështirë, kur kurbinasit barazuan rezultatin, por ia dolën që të merrnin tri pikët. Me këtë sukses, Kamza u ngjit në kuotën e 27 pikëve, vetëm 1 pikë larg me Laçin, dhe duke qenë fare pranë zonës europiane.
Lushnja, ndërkaq, barazoi 2-2 në fushën e Teutës. Skuadra nga Myzeqeja kaloi edhe në avantazh dhe pika e marrë në Durrës mund t’i japë shpresë për mbijetesë në Superligë, ndonëse mbetet në vend të fundit, mjaft e larguar nga të tjerët./abcnews.al
