Mesut Ozil këtë janar mbylli kontratën me Arsenalin dhe arriti marrëveshjen me Fenerbahce, ku ka firmosur kontratë për tre sezone e gjysmë.
Sot ishte dita e madhe e prezantimit të fantazistit, teksa përveç “adeteve” të zakonshme mesfushori tha edhe fjalët e para si lojtar i Fenerbahce.
“Kam luajtur në klube shumë të mëdha, por Fenerbahce është gjë tjetër për mua. Me të vërtetë e vlerësoj klubin dhe shpresoj se do të jetë gjithçka mirë. Kur shihja Fenerbahce më pëlqeu Jay-Jay Okocha për stilin e tij të lojës.
Në ekipin aktual mezi pres të luaj me Dimitris Pelkas, pasi ne luajmë në të njëjtën pozitë dhe ai është një lojtar shumë i talentuar”, u shpreh Ozil. /abcnews.al
