Një ndër objektivat e mëdha të Interit në merkaton e janarit ishte Arturo Vidal i Barcelonës. Mesfushori nga Kili është një ndër të preferuarit e Antonio Contes, por nuk u arrit marrëveshja me kampionët e Spanjës.
Zikaltrit siguruan më pas shërbimet e Christian Eriksen, por Ivan Zamorano është i bindur që Vidal do të kalojë tek Interi në fund të sezonit. Ish-sulmuesi i njohur i Interit thekson për Radio Cooperativa se ka informacione të sigurta në lidhje me këtë çështje.
“Jam optimist mbi mundësin për t’i parë dy patriotët e mi, Vidal dhe Sanchez, me fanellën zikatër. Kam informacione të privilegjuara dhe të sigurta. Nëse Sanchez do të qëndrojë edhe sezonin e ardhshëm tek Interi, do të ketë shansin të luaje me një tjetër kilen. E dimë të gjithë se sa i rëndësishëm është Vidal për Conten. Interi do e tentojë edhe më fort në verë“, thekson Ivan Zamorano. /abcnews.al
