Cristiano Ronaldo është njëri nga futbollistët më të mirë në botë, që suksesin e tij nuk ia ka lënë rastësisë, për të cilin ka punuar vite me radhë për të arritur majat e futbollit europian por jo vetëm.
Për të pasur një paraqitje sa më të mirë, Ronaldo kujdeset shumë edhe për fizikun e tij, teksa tregohet i rreptë me stërvitjen duke mos anashkaluar asgjë.
Për trupin më të mirë duket se CR7 ka një konkurrent të fortë, ish-lojtari i Bayern Munich, Ze Roberto nuk ka nguruar të shprehet se fiziku i tij është më i mirë se i lojtarit të Manchester United.
47-vjeçari ka theksuar se duhet të shikojmë nëse Ronaldo do të mbajë të njëjtin fizik deri në moshën 43-vjeçare ashtu siç ka bërë ai, vetëm atëherë do të pranonte se fiziku i CR7 është më i mirë, në të kundër Ze Roberto nuk ka konkurrent.
“Unë nuk konsumoj alkool apo cigare, por ushqehem dhe fle shumë mirë. Kjo është shumë e rëndësishme për të qenë mirë fizikisht. Edhe familja luan një rol të madh, teksa të jep një siguri të madhe, sepse un luajta deri në moshën 43-vjeçare.
Unë them se kam një fizik më të mirë se të Ronaldos, vetëm nëse ai arrin të luajë deri në moshën 43-vjeçare dhe të mbajë të njëjtin fizik atëherë mund ta pranoj se ka një fizik më të mirë së sa unë”, do të shprehej Ze Roberto për “Daily Mail”.
Kujtojmë se Roberto ka fituar Champions League me skuadrën e Real Madrid, ndërsa me Bayern Munich ka fituar 4 herë titullin kampion në Bundelsigë. /f.a/abcnews.al
