Loading ...
Princi Albert mori dhuratën më të mirë të ditëlindjes këtë vit, pasi sot më 14 mars mbushi 64 vjeç. Ai festoi me gruan e tij, Princeshën Charlene, pas kthimit të saj në Monako.
Në fundjavë u konfirmua se Charlene ishte kthyer në Monako pasi kaloi pothuajse një vit larg familjes së saj, ndërsa po luftonte me një infeksion në vesh që e mundonte shumë.
Lajmi është bërë i ditur në një deklaratë të lëshuar nga Pallati dhe konfirmon se për shkak të shërimit inkurajues dhe me lejen e mjekëve të saj ajo ka mundur të kthehet në shtëpi! ” Javët e ardhshme do t’i lejojnë Princeshës Charlene të përmirësojë më tej shëndetin e saj përpara se ajo të mund të rifillojë gradualisht detyrat dhe angazhimet e saj zyrtare, ” tha ai.
Gjithashtu në njoftim e bëri të qartë se ata po kërkonin qetësi dhe maturi: ” Në mënyrë që Princesha Charlene të arrijë një rikuperim të plotë dhe duke qenë se ajo ka ende nevojë për qetësi, Çifti Princor i nxit ata që të vazhdojnë të respektojnë privatësinë e tyre dhe mjedisin familjar .”
Albert, Charlene dhe binjakët e tyre shtatëvjeçarë, Princesha Gabriela dhe Princi Zhak, kaluan ditën së bashku në shtëpi dhe në Pallatin e Monakos./abcnews.al
