Kalifornia do të rihapet me 15 qershor dhe pothuajse të gjitha kufizimet do të hiqen, sipas një deklaratë të zyrtarëve shtetërorë të premten. Një numër i vogël kufizimesh do të mbeten në fuqi. Personat që nuk janë vaksinuar ende do të mbajnë maska.
Zyrtarët shtetërorë gjithashtu konfirmuan se ata nuk planifikojnë të lëshojnë ose kërkojnë certifikata vaksinimi, megjithëse disa biznese dhe organizatorët e ngjarjeve mund t’iu kërkohen certifikatat e vaksinimit. Shteti do të ofrojë udhëzime për mënyrën se si do të procedohet me certifikatat e vaksinimit në mënyrë që të sigurohet privatësia e njerëzve.
Rastet e koronavirusit, shtrimet në spital dhe vdekjet kanë pësuar rënie në Kaliforni ndërsa shumica e popullsisë është vaksinuar. Që nga e premtja, 48% e banorëve janë vaksinuar plotësisht dhe 13.5% kanë marrë të paktën një dozë të Moderna ose Pfizer.
Rreth 1,300 persona janë shtruar në spital me COVID-19 – në të gjithë vendin që nga marsi i vitit të kaluar./abcnews.al
