Premier League ende nuk dihet se kur do te nisë, por në fillimin e muajit prill pritet një takim mes klubeve. Sky Sport raporton se drejtuesit e klubeve me 3 prill do të ulen të bisedojnë për kalendarin, në mënyrë që ky sezon futbollistik të mbyllet deri më 30 qershor, sipas udhëzimit të UEFA-s.
Shpresohet shumë që deri më 3 prill të ketë informacione nga qeveria në lidhje me situatën, çka do e ndihmonte grupin e punës për të përcaktuar kalendarin, në mënyrë që ekipi kampion, skuadrat pjesëmarrëse në kupat e Europës dhe ato që bien një kategori më poshtë, të përcaktohen në fushë.
Lajmet e fundit thonë se kampionati do tentohet të mbyllet në 6 javë, çka do të thotë se do të luhet gati çdo mesjavë, pasi ka edhe ekipe që garojnë në kupat e Europës. Aktualisht janë për t’u luajtur edhe nëntë javë të plota kampionat. /abcnews.al
