Real Madrid raportohet se është i interesuar të nënshkruajë me asin e Napolit, Khvicha Kvaratskhelia për të forcuar radhët e tyre sulmuese në të ardhmen e afërt.
Kvara, 22-vjeç, është shfaqur si një nga perspektivat më të mira sulmuese në Evropë këtë sezon. Që kur iu bashkua Napolit nga Dinamo Batumi për 10 milionë euro verën e kaluar, ai ka shënuar 11 gola dhe ka dhënë 14 asiste në 23 ndeshje në të gjitha kompeticonet.
Një driblues teknik me ritëm dhe dhunti, lojtari gjeorgjian me vetëm 19 ndeshje ka bërë që shumë klube të mëdha të kthejnë sytë nga ai. Liverpool, Manchester City dhe Arsenal janë të interesuar gjithashtu për magjistarin e Napolit.
Por, sipas “Fichajes”, Real Madrid aktualisht po e monitoron sulmuesin anësor me qëllimin për ta sjellë atë në “Bernabeu”. Por sipas raportimeve, De Laurentiis kërkon më shumë se 100 milionë euro për kartonin e tij, një shifër që deri më sot Kvara po e justifikon me performancën e tij elektrizuese./ h.ll/abcnews.al
Unstoppable Kvaratskhelia ? Ajax!@en_sscnapoli || #UCL pic.twitter.com/lSxpPIgQSi
— UEFA Champions League (@ChampionsLeague) October 18, 2022
