Lajmi kryesor i të premtes në futbollin europian ishte ndëshkimi i rëndë i Juventusit. Klubi torinez humbi 15 pikë për mashtrim financiar.
Por cilat janë opsionet e klubit italian?
Juventusi ka 30 ditë për të apeluar në gjykatën më të lartë për drejtësinë sportive.
Megjithatë, kjo gjykatë nuk ka të drejtë të ndryshojë vendimin e Gjykatës Federale të Apelit, e cila vendosi heqjen e 15 pikëve dhe mund ta dërgojë çështjen për një diskutim të ri vetëm në rast shkeljesh procedurale. CONI drejtohet nga avokatja napolitane Gabriella Palmieri, 64-vjeçare, e cila ka një përvojë shumëvjeçare në fushën e sportit. /G.D abcnews.al/
