PSG është klubi më aktiv në merkato. Emra si Sergio Ramos, Donnarumma dhe Wijnaldum kanë zbarkuar në kryeqytetin francez me parametra zero, teksa Hakimi është dhurata e drejtuesve për krahun e djathtë.
Objektivi i fundit i madh quhet Paul Pogba, tratativë ku nevojitet durim, qetësi dhe shumë miliona. PSG ka nevojë të shesë, për të mbushur disi arkat dhe për të reduktuar kontingjentin e larmishëm të Mauricio Pochettinos.
Një nga lojtarët me valixhe gati, është Layvin Kurzawa. Mbrojtësi i majtë (luan edhe në qendër) është afër kalimit te Galatasaray. Leonardo ka arritur akordin me klubin turk raporton RMC, por shuma që duhet të paguajë gjiganti turk për kartonin e 28-vjeçarit mbahet sekret.
Le #PSG et Galatasaray ont trouvé un accord pour le transfert de Layvin Kurzawa. Le montant de l’accord n’a pas filtré mais la situation n’a pas beaucoup évolué pour autant. Le latéral gauche doit toujours décider s’il souhaite rejoindre la Turquie ou non #Mercato #RMCLive
— Loïc Tanzi (@Tanziloic) July 15, 2021
Vendimi i takon tashmë lojtarit franko-polak. Kurzawa ka kërkuar kohë për t’u menduar, nëse do të pranojë transferimin në kryeqytetin turk apo jo, ndërsa PSG shpreson të vijë “po”-ja sa më shpejt. /abcnews.al
