Cristiano Ronaldo po tenton largimin nga Juventusi, por nuk po gjen dot një ekip të ri… Ylli portugez e ka kuptuar që nuk ndodhet më në qendër të projektit të bardhezinjve, teksa trajneri Max Allegri po punon fort edhe në skemat që nuk kanë CR7 pjesë të tyren.
36-vjeçari po sheh për alternativa, agjenti i tij po negocion prej kohësh me presidentë të ndryshëm, por të gjithë e kanë të vështirë t’i paguajnë rrogën prej 31 milion eurosh që përfiton në sezon. City s’e ka në plane, teksa rikthimi te Reali është shumë i vështirë.
Kalimi te PSG mbetet shansi i fundit, por vetëm me një kusht. Nëse shitet Kylian Mbappe te Real Madrid, atëherë drejtuesit e klubit francez do ta zëvendësonin 22-vjeçarin me pesë herë fituesin e “Topit të Artë”, i cili do të formonte një dyshe magjike me Leo Messin. /abcnews.al
