Barcelona po dështon në fushë, ndërkohë që dështimet në merkato janë edhe më të shumta. Antoine Griezmann, sulmuesi francez që u ble për 120 milion euro, nuk është ngritur në lartësinë e pritshmërive dhe nuk kanë munguar kritikat.
Një ditë më parë, në takimin që katalanasit luajtën kundër ish-ekipit të sulmuesit francez, trajneri Quique Setien vendosi ta hidhte në fushë vetëm në minutat e fundit. Kjo nuk është pritur mirë nga familjarët e tij, babai Alain dhe vëllai Theo.
El padre de @AntoGriezmann dispara con bala a @QSetien después de sus palabras ayer diciendo que “no pediría perdón a Griezmann”. La frase del Sr Alain: “Para poder hablar debes llevar las llaves del camión y no es tu caso ya que eres simplemente un pasajero” pic.twitter.com/gHKS5yC3JF
— Carles Escolán (@CarlesEscolan) July 1, 2020
Ky i fundit, në rrjetet sociale shkruante: “Vetëm dy minuta” dhe “dua të qaj”. Pak minuta dhe postimet u fshinë. Babai i Griezmann u tregua më i ashpër dhe në mediat spanjolle fjalët e tij janë komentuar si të drejtuara për trajnerin Setien.
“Për të folur duhet të kesh çelësat e kamionit dhe nuk është rasti yt, sepse je thjesht pasagjer”, shkruante Alain, ndërkohë që edhe ai më pas e fshiu postimin e tij. /abcnews.al
