Java ka nisur me diell dhe herë pas here do të ketë vranësira të pakta gjatë gjithë javës. Meteorologia Adiola Bani nga Meteoalb u shpreh në “Abc-ja e mëngjesit” se në mesjavë pritet rritje graduale e temperaturave, megjithatë mëngjeset dhe darka do të jenë disi më të ftohta.
“Dita e sotme ka nisur me diell dhe parashikohet që kjo javë do të mbetet nën mbizotërimin e kushteve të motit të kthjellët dhe herë pas here pasdite do të ketë kalime të vranësirave të lehta por nuk sjellin reshje. Dhe fundjava do të mbetet në mbizotërimin e motit të kthjellët.
Përsa i përket temperaturave të ajrit mëngjeset dhe mbrëmjet do të vijojnë të mbeten të freskëta pasi vlerat minimale kanë shënuar -3 gradë celcius në zonat malore. Dhe pse e marta dhe e mërkura sjellin rritje të lehtë graduale të temperaturave duke bërë që vlerat minimale të ngjiten në -1 apo 0 gradë celcius ndërsa maksimumi do të luhaten në 15-16 gradë celcius. Vetëm mëngjeset dhe mbrëmjet janë disi të ftohta ndërsa mesdita është e ngrohtë.”, u shpreh Bani. /abcnews.al
