Bizneset shqiptare po përballen gjithmonë e më shumë me sfidën e gjetjes së stafit të kualifikuar dhe rritjen e produktivitetit.
Këto do të jenë dy nga pikat ku do të përqëndrohet diskutimi në javën Ndërkombëtare të sipërmarrjes e cila do të zhvillohet në Shqipëri përgjatë datave 13-19 nëntor.
Ministrja e Shtetit për sipërmarrjen dhe klimën e biznesit, Delina Ibrahimaj tha se vëmendja e qeverisë është e pakushtëzuar ndaj sipërmarrjes novatore dhe përmirësimit të mjedisit ekonomik.
Ministrja Ibrahimaj vuri theksin edhe në bashkëpunimin e bizneseve në nivel rajonal.
Në Shqipëri, numërohen rreth 127 mijë biznese aktive dhe ky numër ka vijuar të rritet vit pas viti.
Pjesa më e madhe e bizneseve operojnë në sektorin e shërbimeve dhe janë kryesisht biznes i vogël, duke u ndjekur më pas nga sektori i tregtisë dhe ai i prodhimit./abcnews.al
