Kartonë të shumtë të verdhë, që kanë lënë pasoja në disa prej klubeve të Superiores. Kështu, Teuta për përballjen me Kastriotin nuk do të ketë në dispozicion dy prej titullarëve.
Blagoja Todorovski dhe Albano Aleksi duhet të shlyejnë pezullimin prej kartonëve të verdhë të shtunën. Skënderbeu gjithashtu ka humbur dy lojtarë të rëndësishëm. Vangjel Zguro dhe Elvi Berisha u ndëshkuan në duelin me Partizanin.
Ata nuk mund të luajnë kundër Laçit. Këta të fundit, veç Nwabueze të pezulluar nga Komisioni i Disiplinës dhe Etikës, nuk mund të aktivizojë as brazilianin Lucas Ramos. Dje ai plotësoi numrin e katër të verdhëve.
Kukësi për ndeshjen kundër Apolonisë nuk mund të llogarisë vetëm Albin Gashin, kurse fierakët nga ana tjetër duhet të bëjnë pa Effiong Eyoh dhe Koffi Yeboah. Te Bylisi i pezulluari i vetëm është Xhoi Carkanji. /abcnews.al
