Japonia dhe Filipinet nënshkruan të hënën një marrëveshje ushtarake në Manila që lejon trupat të vendosen në tokën e njëra-tjetrës, thuhet në një deklaratë zyrtare.
Marrëveshja e hyrjes reciproke Filipine-Japoni (RAA) u nënshkrua nga ministrat e jashtëm dhe të mbrojtjes të dy vendeve në një ceremoni ku mori pjesë presidenti filipinas Ferdinand Marcos Jr., thuhet në deklaratën e presidencës filipinase.
Marrëveshja do të lejojë ushtarët nga të dy vendet të stërviten dhe të operojnë në territoret e njëri-tjetrit nën statusin e Forcave Vizituese.
Nënshkrimi i paktit vjen mes tensioneve në Detin e diskutueshëm të Kinës Jugore midis Filipineve dhe Kinës.
Ministri i Jashtëm japonez Kamikawa Yoko dhe ministrja e Mbrojtjes Kihara Minoru do të zhvillojnë gjithashtu një takim 2+2 me homologët e tyre filipinas Enrique Manalo dhe Gilberto Teodoro Jr.
Formati 2+2, mekanizmi më i lartë konsultativ midis Tokios dhe Manilës, u krijua në prill 2022 për të “thelluar më tej koordinimin e politikave të sigurisë dhe mbrojtjes, si dhe bashkëpunimin e sigurisë midis dy kombeve”, shtohet në deklaratë.
Japonia është një nga katër partnerët strategjikë të Filipineve, pasi ka nënshkruar 264 marrëveshje dypalëshe, thuhet në deklaratë.
/abcnews.al
