Banorët e pallatit në zonën e Freskut në Tiranë, thonë se janë zgjuar të tmerruar si pasojë e shpërthimit që u regjistruar në orët e para të mëngjesit, në banesën e babait të vëllezërve Duka, të njohur si rivalë të Ervis Martinajt.
Një banore e pallatit tregon për ABC News, dëmet materiale të shkaktuara në banesë si pasojë e shpërthimit.
“Ne ishim brenda të dy në gjumë, burrë e grua ishim në krevat u ngrit burri nuk shikonte nga të luante. U mbush shtëpia plot me tym. Dera copë copë. Pllakat kanë luajtur, cdo gjë ka lëvizur”- thotë ajo.
Një tjetër banor i pallatit, thotë se shpërthimi ishte i fortë, aq sa i ka shkaktuar probleme me dëgjimin.
“Dola në ballkon se më mbyti tymi, mora sheqer, jam shurdhuar në krahun e majtë nuk dëgjoj mirë. Vajta në spital bëra gjilpëra mora ilace, tensionin e kam 19. C’kusur kam unë të paguaj kusuret e të tjerëve. Ai ka ça ka ka punët e tija, pse t’i paguaj unë kusuret e tija.” tha një tjetër banor.
