Kryeministri Edi Rama ka kërkuar që të ndalen lajmet se mes tij dhe ambasadores Yuri Kim ka një krisje dhe shprehu dakordësi të plotë me deklaratat e saj për një përzgjedhje të drejtë të kreut të SPAK.
Rama thotë në një postim në Twitter se kreun e SPAK nuk e zgjedh as qeveria, as ambasada e as ndonjë institucion tjetër, por Këshilli i Lartë i Prokurorisë. Kryeministri gjithashtu i bën thirrje KLP-së të mos influencohet nga asgjë, veçse profili dhe performanca e kandidatëve.
“Jam plotësisht dakord me ambasadën amerikane dhe boll me thashethemet e katundit politik e mediatik! Kreun e SPAK s’e zgjedh as qeveria, as foltorjavulorjafallgjorja, as ambasada jo e jo, po një institucion i quajtur Këshilli i Lartë i Prokurorisë, që varet vetëm nga anëtarët e vet!
Jam plotësisht dakord me @USAmbAlbania dhe boll me thashethemet e katundit politik e mediatik! Kreun e SPAK s’e zgjedh as qeveria, as foltorjavulorjafallgjorja, as ambasada jo e jo, po një institucion i quajtur Këshilli i Lartë i Prokurorisë, që varet vetëm nga anëtarët e vet!
— Edi Rama (@ediramaal) December 14, 2022
