Çfarë duhet të dini mbi procesin e ngrirjes së vezëve

Çfarë duhet të dini mbi procesin e ngrirjes së vezëve.

Çfarë është?

Ngrirja e vezëve është një proces nëpërmjet të cilit vezët e pacientes ngrihen dhe ruhen për një kohë të pacaktuar.

Kjo ka qenë një ndër përparimet më të më dhanë fushën e riprodhimit të asistuar. Vezët ngrihen nëpërmjet një procedure që quhet“vitrifikim” e cila është një metodë që bazohet në ngrirjen e qelizës pa krijuar kristale akulli, që janë shkatërruese për qelizën, në hapësirën brenda dhe jashtë qelizore.

Cilët janë pacientët të cilët duhet të marrin në konsideratë ngrirjen e vezëve?

Procesi i ngrirjes së vezëve ka filluar në ato pacientë që kishin sëmundje onkologjike dhe kemioterapia apo radioterapia do dëmtonte fertilitetin në mënyrë të pakthyeshme. Duke qenë se trajtimi i kancerit ka avancuar dhe jetëgjatësia e një pjese të mirëështë zgjatur, pacientet pasi e kishin kaluar këtë problem në jetën e tyre nuk kishin mundësi për të patur fëmijë. Në të tilla raste ngrirja e vezëve përpara fillimit të trajtimit të kancerit i jep mundësinë atyre që më vonë në jetë të kenë fëmijen e tyre.

Me kalimin e kohës dhe duke parë rezultate premtuese u aplikua në masë për arsye “sociale”. Gratë në vendet e zhvilluara i dedikohen gjithmonë e më shumë karrierës dhe e shtyjnë në kohë krijimin e familjes. Në momentin që ato vendosin për të patur një fëmijë, biologjia e zhvillimit e bën shumë të vështirë ardhjen e një shtatzënie për shkak të moshës. Ngrirja e vezëve në një moshë të re do i jepte mundësinë atyre të kishin mundësinë për të patur fëmijën e tyre.

Cilat janë ekzaminimet që duhet të kryejë çdo paciente para procedurës?

Fillimisht, cdo paciente e cila ka vendosur t’i nënshtrohet ngrirjes së vezëve, kryen një konsultë me mjekët specialistë të fertilitetit të cilët më pas do të rekomandojnë kryerjen e një sërë ekzaminimeve për të vlerësuar nëse pacientja mundet ose jo t’i nënshtrohet këtij procesi.

Fillimisht kryhet një konsultë me mjekun specialist dhe ekografi trans-vaginale
Për çdo paciente kryhet testimi për sëmundjet infektive.
Rekomandohet kryerja e analizave të nevojshme për të përcaktuar nivelet hormonale dhe potencialin vezorial.

Ku konsiston ky proces?

Procesi i ngrirjes së vezëve kryhet në këtë mënyrë:

Të gjitha gratë që kanë një cikël të rregullt prodhojne një vezë cdo cikël menstrual. Duke qenë se ne duam të marrim sa më shumë vezë nga një cikël i caktuar, duhet të kryejmë stimulimin e kontrolluar të vezoreve. Pacientes i rekomandohet kryerja e injeksioneve hormonale për të stimuluar prodhimin e vezëve, etapë kjo e cila zgjat përafërsisht 10-12 ditë. Injeksionet kryhen në mënyre sub-cutane (nëabdomen ose nëgjymtyrët e sipërme) dhe pacientia trajnohet nga personeli infermieror per kryerjen e tyre vetë pasi është procedurë e lehtë dhe e padhimbshme.
Ky proces do të monitorohet në cdo etapë të tij nga mjeku specialist i cili do të kryejë ekzaminimet me ekografi çdo 2-4 ditë të procesit deri në kohën e marrjes së vezëve.
Në momentin që parametrat ekografik dhe hormonal kanë arritur në nivelet e dëshiruara kryhet marrja e vezëve të cilat kalojnëmenjëherë në procesin e vlerësimit nga mjeku embriolog dhe më tej ngrirjes për një kohë të pacaktuar(sipas dëshirës së pacientes) në azot të lëngshëm në temperature -195⁰C.
Kryerja e ngrirjes së vezëve është një procedurë shumë delikate dhe kryhet nga embriolog me ekspertizë dhe eksperiencë në këtë fushë.

Sa vezë rekomandohet të merren?

Duke qenë se shtatzënia në të ardhmen do kryhet me Fekondim In-Vitro dhe kjo procedurë nuk është e sigurt që jep shtatzënë, për të rritur shanset e një shtatzënie të suksesshme në të ardhmen, nevojitet të ngrihen mesatarisht 10- 15 vezë por kjo edhe në varësi të pacientit. Nëse pacientja nuk arrin të prodhoje vezë në sasi të mjaftueshme, për pacienten është e nevojshme përsëritja e procedurës.

A shoqërohet me dhimbje procedura e aspirimit të vezëve?

Procedura e aspirimit të vezëve kryhet nën efektin e sedacionit prandaj pacientja nuk do të ndjejë asnjëlloj diskomforti dhe pacientja mund t’i rikthehet aktiviteteve ditore 2 orë pas procedurës.

Si mund të arrihet shtatzënia nga vezët e ngrira?

Në momentin që pacientja ka vendosur të kalojë në etapën tjetër, pra, konceptimin e një shtatzënie, fillimisht vijohet me shkrirjen e vezëve të cilat më pas fekondohen nga sperma e partnerit të pacientes ose nga një dhurues përmes procedurës IVF (fekondimi in vitro). Tre ose pesë ditë pas kryerjes së fertilizimit, embrionet e përftuara nga vezët e ngrira do të transferohen në mitrën e pacientes që nënkupton edhe fillimin e shtatzënisë.

Dr. Marsel Haxhia