Izraeli zhvillon gjatë natës inkursionin më të madh që nga fillimi i luftës

Forcat tokësore izraelite kryen një inkursion gjatë natës në Rripin verior të Gazës, duke sulmuar disa objektiva të Hamasit përpara se të tërhiqeshin, njoftoi ushtria në një deklaratë të enjten në mëngjes.

Ky është inkursioni më i madh që nga fillimi i luftës me Hamasin. Një video e operacionit të natës të publikuar nga ushtria tregon automjete të blinduara që përparojnë nëpër një zonë kufitare.

In preparation for the next stages of combat, the IDF operated in northern Gaza.

IDF tanks & infantry struck numerous terrorist cells, infrastructure and anti-tank missile launch posts.

The soldiers have since exited the area and returned to Israeli territory. pic.twitter.com/oMdSDR84rU

— Israel Defense Forces (@IDF) October 26, 2023

Në deklaratën e ushtrisë thuhet se inkursioni u krye “në përgatitje për fazat e ardhshme të luftimeve”, që mund t’i referohet pushtimit tokësor në shkallë të gjerë që udhëheqësit izraelitë kanë kërcënuar të kryejnë për të eliminuar Hamasin.

“Ushtarët janë larguar nga zona dhe janë kthyer në territorin izraelit”, shtoi deklarata e ushtrisë.

Nuk ka pasur asnjë koment të menjëhershëm nga Hamasi në Gaza.

OKB-ja paralajmëroi të mërkurën se është në prag të mbarimit të karburantit në Rripin e Gazës, duke e detyruar atë të kufizojë ashpër përpjekjet e ndihmës në territorin e bllokuar dhe të shkatërruar nga sulmet ajrore izraelite që kur militantët e Hamasit nisën një sulm ndaj Izraelit më shumë se dy javë më parë.

Paralajmërimi erdhi ndërsa spitalet në Gaza luftuan për të trajtuar masat e të plagosurve me burime në pakësim.

Ndërkohë, zyrtari më i lartë i OKB-së u përball me reagime nga Izraeli pasi tha se masakra e Hamasit që shkaktoi luftimet nuk “u zhvillua në një vakum”.

/abcnews.al