Ministria e Punëve të Jashtme izraelite njoftoi se të hënën në bisedime do të ftojë ambasadorët e vendeve të Këshillit të Sigurimit të OKB-së që votuan për anëtarësimin e plotë të Palestinës në OKB.
“Nesër do të thirren ambasadorët e Francës, Japonisë, Koresë së Jugut, Maltës, Sllovakisë dhe Ekuadorit dhe do t’u dërgohet një notë e fortë proteste”, njoftoi ministria në platformën X.
Projekt-rezoluta e paraqitur nga Algjeria, e cila “i rekomandon Asamblesë së Përgjithshme që shteti i Palestinës të pranohet si anëtar i OKB-së”, mori 12 vota pro, një kundër dhe dy abstenime të enjten.
Pranimi i një vendi në OKB duhet së pari të marrë një rekomandim pozitiv nga Këshilli i Sigurimit dhe më pas të miratohet nga Asambleja e Përgjithshme e OKB-së me dy të tretat shumicë.
Gjatë votimit në Këshillin e Sigurimit të OKB-së, SHBA vendosi veton ndaj rezolutës për anëtarësimin e plotë të Palestinës në OKB. Kjo shkaktoi pakënaqësinë e presidentit palestinez Mahmud Abbas, i cili tha sot se do të rishikojë marrëdhëniet me Uashingtonin./abcnews.al
