Izraeli po kërkon të përdorë Starlink të Elon Musk për të ruajtur lidhjen e internetit në rast të një lufte me Hezbollahun libanez në kufirin verior, sipas mediave izraelite.
Një luftë në shkallë të plotë në veri mund të çojë në sulme me raketa në rrjetin elektrik të Izraelit dhe infrastrukturën tjetër.
Gazeta financiare Calcalist raportoi se ministritë e Financave dhe të Komunikimeve po kërkojnë të përdorin 5000 satelitët e Starlink me orbitë të ulët për të siguruar një rrjedhë të qëndrueshme të të dhënave dhe informacionit për autoritetet shtetërore në raste urgjente.
Në shkurt, Ministri i Komunikimit, Shlomo Karhi, i dha leje Starlink, njësisë satelitore të SpaceX për të operuar në Izrael dhe në Rripin e Gazës.
Hezbollahu i mbështetur nga Irani filloi të sulmojë Izraelin menjëherë pas sulmit të Hamasit të 7 tetorit që shkaktoi luftën në Gaza dhe të dyja palët janë përfshirë në armiqësi në muajt e fundit që atëherë. Hezbollahu ka thënë se nuk do të ndalet derisa të ketë një armëpushim në Gaza.
Ministri izraelit i Mbrojtjes Yoav Gallad udhëtoi në Uashington të dielën për të diskutuar fazën tjetër të luftës në Gaza dhe përshkallëzimin e armiqësive në kufirin me Libanin, ku përleshjet me Hezbollahun kanë nxitur frikën për një konflikt më të gjerë./abcnews.al
