SHKODËR– Miratohet mbrojtja e posaçme për gjyqtarin Tonin Sterkaj, banesa e të cilit ishte shënjestër e një sulmi me eksploziv mëngjesin e së dielës.
Vendimi u mor nga Komisioni i Posaçëm për Mbrojtjen e gjyqtareve pranë Këshillit të Lartë Gjyqësor.
Mbrojtja për magjistratin dhe familjen e tij do të jetë me afat 6 muaj. Gjyqtari shkodran do të mbrohet nga struktura e re e Njësisë së Mbrojtjes së Veçantë. Kjo njësi e blinduar njihet ndryshe si RES.
Mëngjesin e së dielës në portën e banesës së tij u vendos një sasi eksplozivi. Fatmirësisht nga shpërthimi nuk pati persona të lënduar, por vetëm dëme materiale./ abcnews.al
