Një 64-vjeçar nga Himara është proceduar penalisht, pasi gjatë kontrolleve të ushtruara në pikën kufitare të Kakavijës, i janë gjetur 30 800 euro të padeklaruara.
Mëngjesin e sotëm, në dalje të RSH-së, u ndalua për kontroll në vijën e dytë, mjetin tip “SUZUKI” me drejtues C. Z., rezident në Greqi.
Shuma e parave u gjet e fshehur në një çantë dore dhe më pas u sekuestrua në cilësinë e provës.
64-vjeçari është proceduar penalisht për “Mosdeklarimi i të hollave dhe sendeve me vlerë në kufi” dhe “Pastrimi i produkteve të veprës penale ose veprimtarisë kriminale”. s.b/abcnews.al/
