Organizata terroriste, ISIS, ka marrë përsipër sulmin e kryer të dielën në Toronto të Kanadasë. Kjo është bërë e ditur nga një komunikatë e shpërndarë në internet nga organi i Shtetit Islamik të internet, Amak.
Të dielën në mbrëmje, një person hapi zjarr në një rrugë të Torontos, duke vrarë një adoleshente dhe një fëmijë 10 vjeç. Nga kjo ngjarja dhe disa persona të tjerë mbetën të plagosur. Gjatë shkëmbimit të të shtënave me armë zjarri, autori i sulmi mbeti i vrarë.
Ai shfaqet në një video amatore teksa është i veshur me të zeza, ndalet para një restoranti dhe fillon të qëllojë ndaj qytetarëve. Agresori është identifikuar si Faisal Hussain, me prejardhje nga Lindja e Mesme.
Ndërkohë, hetuesit deri më tani ishte përqëndruar tek pista e ndonjë çrregullimi mendor të autorit. Megjithatë tani po hetohet për terrorizëm./abcnews.al
