Në 24 orët e fundit janë gjobitur tre biznese të cilat janë kalur me shkelje të protokollit sanitar për parandalimin e përhapjes së koronavirusit.
Ndërkohë janë rritur edhe kontrollet nga ana e ISHSH, ku u regjistruan 1600 inspektime në total.
MSH bën apel bizneseve të zbatojmë protokollet e sigurisë pasi çdo shkelje konsiderohet me rrezik për shëndetin e qytetarëve.
“Inspektoriati Shtetëror Shëndetësor realizoi mbi 1600 inspektime për monitorimin e masave ndaj COVID-19 në 24 orët e fundit .
Janë vendosur 3 masa administrative për pezullim të aktivitetit në subjekte;
Nga Task- Forca antiCOVID në total janë kryer 104,564 kontrolle dhe monitorimet gjatë epidemisë.
Ministria e Shëndetësisë dhe Mbrojtjes Sociale i bën apel bizneseve, të zbatojnë me korrektësi protokollet e sigurisë në punë: të dezinfektojnë ambientet, të kryejnë ajrosjen rregullisht, të përdoren maskat apo barrierat mbrojtëse në çdo subjekt shërbimi për qytetarët.
Çdo shkelje do të konsiderohet me rrezik për shëndetin e qytetarëve dhe si e tillë do të ndëshkohet sipas ligjeve në fuqi.
Qytetarët që të jenë të kujdesshëm në zbatimin e masave të vendosura. Respekto rregullat”, thuhet në njoftim./abcnews.al
