Detaje të reja kanë dalë në pah nga vdekja e ish ministrit grek Sifi Valyrakis në fundjavë. Mediat greke bëjnë me dije se tashmë është hapur dhe një pistë tjetër hetimi që është ajo e vrasjes së tij.
Në kuadër të hetimeve disa dëshmitarë okularë të ndodhur në vendin e ngjarjes kanë bërë me dije se ish ministri mund të jetë konfliktuar me kapitenin e një anije peshkimi që ndodhej aty. Sipas mediave mësohet se dëshmitarët kanë theksuar se kapiteni i anijes ka qenë në momentin e hedhjes së rrjetave kur në atë hapësirë është shfaqur edhe ish ministri me anijen e tij.
Në atë moment kapiteni i anijes së peshkimit ka bërë shumë rrotullime me mjetin e tij rreth varkës së Valyrakis, për ta trembur ose nga valët e krijuara për ta hedhur në det. Ndërkohë autoritetet po punojnë pasi dyshohet se, pasi ish-ministri ra në ujë, anija e peshkimit kaloi mbi të, duke e plagosur rëndë me helikën e tij në kokë dhe fytyrë, si dhe në dorë, pasi u gjet me një gisht të dëmtuar në dora e tij e majtë.
Përveç dëshmive ekzistuese, të tjera mund të lindin sepse incidenti ndodhi në mesditë pa e kuptuar sidoqoftë një nga dëshmitarët okularë se incidenti midis dy varkave do të kishte një zhvillim të tillë.
Sipas mediave tashmë dyshohet se vdekja e ish ministrit mund të jetë vrasje.
Ngjarja ka ndodhur të dielën ku gruaja e ish ministrit pasdite ka denoncuar dhe zhdukjen e tij, duke bërë të mundur që autoritetet përgjegjëse të gjenin të pajetë Valyrakis./abcnews.al
