Ish-kryeministri i Pakistanit, Imran Khan dhe gruaja e tij u paraqitën në një gjykatë të martën dhe u deklaruan të pafajshëm në një rast ryshfeti që pretendonte se pranuan si dhuratë “tokë” nga një manjat i pasurive të paluajtshme në këmbim të shumave të mëdha.
Ky është rasti i dytë që Khan dhe gruan e tij Bushra Bibi paditen për akte korrupsioni që dyshohet se janë kryer gjatë kohës që ishte në detyrë.
Prokurorët e akuzojnë çiftin se kanë përdorur bamirësinë e familjes së tyre për të ngritur një universitet në tokën e dhuruar atyre nga manjati, Malik Riaz.
Khan, i cili u rrëzua në një votë mosbesimi në parlament në prill 2022, aktualisht po vuan dënime të shumta në burg dhe ka rreth 170 çështje ligjore në pritje kundër tij me akuza që variojnë nga korrupsioni deri tek nxitja e njerëzve në dhunë dhe terrorizëm.
Çifti është dënuar edhe më herët në një çështje ryshfeti me akuzën e shitjes së dhuratave shtetërore gjatë kohës që ishin në detyrë.
/abcnews.al
