Ish-komandoja Erzen Uka gjatë seancës së sotme ka kërcënuar Gjyqtarin Bib Nderca dhe Prokurorin Eugen Beci.
Ish-komando kërcënoi Gjytarin Bib Nderca dhe Prokurorin Eugen Beci dhe nuk ka pranuar të ngrihet në këmbë para gjykatës, duke thënë se:
“Kam vetem allahun, do jepni llogari sapo të dal dhe s’do ikni kollaj”.
I dyshuari Erzen Uka ka qenë pjesë e Forcave të Armatosura shqiptare dhe ka shkuar dy here me mision jashtë vendit, në Irak dhe Afganistan.
Erzen Uka, 29 vjeç nga fshati Gjormë i Krujës por me banim në Tiranë është arrestuar nga policia e antiterrorit këtë fundjavë.
Ai akuzohet për veprat penale “Stërvitja për kryerjen e veprave penale me qëllime terroriste”, “Nxitja, thirrja publike dhe propaganda për kryerjen e veprave penale me qëllime terroriste” dhe “Prodhimi dhe mbajtja pa leje e armëve luftarake dhe municionit”.
Ditën e sotme, gjykata ka dhënë masën ‘arrest në burg’ për ish-komandon./abcnews.al
