Investigimi i PD, shoqatat e gazetarëve mbështetje gazetarit Olldashi

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë shprehën mbështetje për gazetarin Jetmir Olldashi, autorin e investigimit mbi trafikun e drogës në Vlorë. Sipas tyre, Olldashi po përballet me një presion të padenjë publik, të nxitur nga emocione e interesa politike. “Ne përshëndesim kurajon e kolegut Jetmir Olldashi për të përcjellë e mbrojtur publikisht etapat e punës së tij, nga ku doli edhe emri i vëllait të ministrit të brendshëm, në një moment jo të lehtë tensioni politik në vend, e duke marrë edhe koston e një presioni paragjykues publik, fatkeqësisht edhe nga kolegë të profesionit”, thuhej në reagim. Në përfundim shoqatat inkurajonin gazetarët për të mos intimiduar në punën e tyre.  /abcnews.al