Sopranoja me famë botërore Inva Mula ka treguar se ka pasur fatin ta njihte nga afër këngëtaren e madhe.
Këtë të dielë gjatë homazheve të kryera pranë arkivolit të Nexhmije Pagarushës, me lot në sy ajo tha se sot për të është një ditë shumë e dhimbshme.
“E kemi humbur fizikisht por do ta kemi për jetë të jetëve figurën e saj, zërin e saj, kumbimin e saj dhe të gjithë shoqërive artistike. Nexhmije Pagarusha ka qenë për mua jo vetëm ikona e artit por ka qenë edhe një mikeshë shumë e ngushtë e familjes time. Jam rritur me dashurinë e saj, për mua është një ditë shumë e dhimbshme”, tha Mula.
Gjithashtu në nderim të figurës së artistes së madhe Pagarusha kanë bërë homazhe edhe presidenti Hashim Thaçi i cili ka shpallur dhe ditë zie në Kosovë dhe kryeministri Albin Kurti./abcnews.al
