Loading ...
Interi kërkon një mbrojtës të majtë të nivelit të lartë dhe Mundo Deportivo e zgjon Barcelonën sot me lajmin se kampionët e Italisë, Interi duan Jordi Albës dhe operacioni ka mjaft mundësi të ndodhë. Barcelona është në krizë financiare dhe i duhet të ulë ndjeshëm nivelin e pagave të lojtarëve.
Gjithashtu, katalanasit kërkojnë të nisin një cikël të ri dhe kërkojnë të rinovojnë repartet dhe të gjitha këto arsye e shtyjnë Interin të guxojë. Jordi Alba është shprehur se dëshiron të mbyllë karrierën te Barcelona, por ka mundësi të mos ndodhë.
Kalimin e tij te Interi e favorizojnë edhe taksat e ulëta, që në Spanjë janë e kundërta. Kontrata e mbrojtësit skadon në verën e vitit 2024 dhe Interi duhet të paguajë. Barcelona është gati të dëgjojë ofertat, teksa për të zëvendësuar Albën mendohet se do blejë 26-vjeçarin e Valencias, Jose Gaya. /abcnews.al
